Galeshia 5:1 - Kaa n Kəzə̀ n fəghə mə

¹ Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Galeshia 5:1 ပူးပေါင်းရင်းမြစ်များ

Matyo 23:4

Ghə ney kow naŋŋə ndòw fə u dədlə wə n kow ghə̂ ghə nə̀ ghə boʼo, nə̀ à loʼ sey ghə way ni buʼ gaʼ kəwɔɔ ni gaamə ghə ni boʼo.

Lukas 5:38

Wù ney kɔʼɔ səŋ nlə tə n kuu tsu n suʼ i fəghə zə.

Kəfwaʼ 15:10

À kee loʼ kee ghaa ləghə ni mɔm koʼ Kəzə̀ ə? Ghaa gaʼa ndow laŋ u dədlə wə n tow kə dzûmə tə Klisto nə ghə boʼo, loʼ sey nə̀ ghə bày bày a saa ghə a way ni boʼo, wû i saa, saa mâ dəm kii ni boʼo.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:18

Zə̀ kə n ghaa bəghəshi n ghəə a bəbə ghə, ghaa nya loʼ ukɔd ni ghəŋŋə ghəə ghey a kpiilənə tə̀ Zə̀ kə.

Roma 7:3

Abə weyzən wən ney ndòwnə num u nuu wə nə̀ num wi nam loʼ utaw, tə n sey taa zaʼ num tə laŋ kə diinə. Abə tə kee ney ndownə wù u nuu wə nə̀ num wi ma kpu, laŋ kə way dzə ni kwu wi n ghə i loʼ zə.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 8:15

Sey, Zay kə Zow key Zə̀ kə â fuunə tə ghaa ghəŋŋə dzə way nə̀ ghaa doʼo ukɔd, kə ghəŋŋə soʼo way nə̀ ghaa i tsəŋə. Zay kə Zow key Zə̀ kə â fuunə tə ghaa fədlə ghəŋŋə nə̀ ghaa i loʼ waa a Kəzə̀ ghə. À loʼ wi tə ghəŋŋənə nə̀ saa i tɔŋŋə ndow Zə̀ kə tɔŋŋə kuulə nə̀, “Bày! A Bày wuŋ!”

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

1 Kɔrint 16:13

Təmi kɔʼ na n fuu zə. Kə wù loʼ nə təʼlənə ghaa. Ghaa təmi taw tsu n bəghəm i fə̀ŋ i ghaa. Kə ghaa nə tsəŋənə ghə i loʼ zə. I taw dzɔbə n na.

1 Kɔrint 7:22

I loʼ sey n təŋkey, wù wey tə â bəghəmnə tə̀ Mûkəbii wi nə̀ tə loʼ kəkɔd, nya loʼ wù ngəŋ tə̀ Mûkəbii. Wù wey tə â kee bəghəmnə tə̀ Zə̀ kə nə̀ tə loʼ n ngəŋ, nya kee loʼ kəkɔd tə̀ Klisto.

2 Kɔrint 11:20

N sey dza n təŋkey ghaa bəghəm naŋanu abə wù ney naŋa bənə ghaa tə̀ a loʼ kəkɔd, nəəbə zəə ghaa, koʼo kìi ghaa, dii uwû buʼ sâa nyi bə ghaa n saali kə n tûm usə̂.

2 Kɔrint 3:17

Nya, Mûkəbii wən ghə dzanə loʼ Zay kə Zow kə, nsə sey luʼu wey Zay kə Mûkəbii kə loʼnə tii, ghə̂ a kəm muu way n tənə kəlaŋ fuu tii.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 3:25

Nya wən bəghəm i fə̀ŋ n kow Klisto i bə dzə nə̀, à kəm way dzə kəlaŋ kə keyyənə saa.

Galeshia 4:26

Weyzən u loʼ wən tə loʼnə nə a way zən ə kəkɔd tɔŋɔ Sara, kee tey tə a loʼ Yerosalem zən i loʼ idəŋ. Wi ghi waa a wi ghə, way dzə ukɔd n tənə kəlaŋ, à loʼ wi tə loʼnə này saa.

Galeshia 4:31

Sey waazə ghə, ghəə ghən adzəm loʼ ni dii tsu nə saa way dzə waa a weyzən ə kəkɔd, saa fəd loʼ waa a weyzən wən tə way kɔd kə.

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Efesus 6:14

Sey, təmi taw tsu na n bəghəm i fə̀ŋ i ghaa. Kow keeli tsu na isəŋə tə̀ a loʼ fəkwɔɔ nə isad, muu i ghaa i tsətsəghə zə i loʼ tən ni kə̀ŋ naŋa kəmmə kə ghaa.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

1 Tesalonika 3:8

N dza sey n təŋkey, ghey loʼ ni ndzəm muu nya n fə̀ŋ tə kay tə nghee bəghəm i fə̀ŋ i ghaa i tɔʼ loʼ dzənə nə kəfə kəmɔʼ ghi Mûkəbii.

2 Tesalonika 2:15

Sey waazə ghə ghaa təmi taw tsu n bəghəm i fə̀ŋ i ghaa. Ghaa tɔʼ kwu keeli dzɔb tsu ghɔɔmə i səŋi zən ghey fuunə nə tə ghaa, nə̀ a loʼ kə n ghəə ghən ghey naʼlənə nkee n maʼlə wən ghey tɔ̀ɔ bənə tə̀ ghaa.

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

1 Pita 2:16

Ghaa khə muu tə a loʼ ghə̂ ghən ghə way n tənə wù. Kə ghaa nə kee taa daŋanə n ndzoʼo muu zən ni ghəŋŋə ghəə a bəbə ghə. Ghaa khə ni fəd muu tə a loʼ ghə̂ a kəfwaʼ a Kəzə̀.

2 Pita 2:19

Ghə̂ a dii a tsɔŋɔ ghən dza tə ghə nə̀, ghə loʼ ni ghəŋə ghəə zey ghə ləghənə nə̀ ghə ka bəb zow, loʼ sey nə̀ wû i ghə loʼ ukɔd tə̀ bəb zə. I loʼ sey n təŋkey, fə key kə taw tsəghə dzənə wù, wù tii sey loʼ kəkɔd tə̀ fə kə tii kə.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.

Chi dii 2:25

N kee ləghə kə nə̀ ghaa bɔɔmə təmi taw tsu n bəghəm i fə̀ŋ i ghaa ni ndow kuum n nəŋə zey mə i bəghənə tii.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.