6 Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”
Tə n gɔŋŋə dza nə̀, “Bày! Bày wuŋ, ghə i loʼ i way i tsəghəshinə wɔ, abə jìi loʼnə, ney nuu ghwɔ uchɔd zən n wɔ mə. A kee way dzə tə̀ n ləghənə, zə i loʼ tə̀ wə ləghənə.”
N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.
Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.
N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.
À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.
Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.
Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.
Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.