Galeshia 4:5 - Kaa n Kəzə̀ n fəghə mə

⁵ Zə̀ kə â tûm bə wi nə tə bə kùmshi ghə̂ ghən ghə â loʼnə n tənnə kəlaŋ, ni ghəŋə nə̀ saa doʼo bə waa a Kəzə̀.

Galeshia 4:5 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Lukas 1:68

“Kɔʼlə n loʼ tə Bày, Zə̀ kə ghə̂ ghə Izree, kûmnə tə n bə ni bə bəghəshi ghə̂ a wi.

Tùm i dzuŋu zə kuum Yeso Klisto tə Jɔn â tɔɔnə 1:12

Ni ney nuu tsu n ghə̂ ghey adzəm ghə â kee kpii neynə wi, ndow kuum ndow n ghə̂ ghey ghə â bəghəmnə n zəd i wi, tə n fuu ghə n daʼa kə nə̀ ghə doʼo bə Waa a Kəzə̀.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Roma 10:4

I loʼ nə̀, Klisto mâ bə ghəŋə tsəghə nə̀ ghə̂ a doʼo tsətsəghə n sə K-a-zə̀ nə̀ à way dzə a dza ghə naŋŋə kəlaŋ. À wey loʼ ghə i tii zə, wù wey tə bəghəmnə tə wi, i doʼlə tsətsəghə n sə K-a-zə̀.

Roma 8:14

I loʼ sey n təŋkey ghə̂ ghey ghə bweynə nghee tə Zay kə Zow kə ləghənə, ghə loʼ waa a Kəzə̀.

Roma 8:15

Sey, Zay kə Zow key Zə̀ kə â fuunə tə ghaa ghəŋŋə dzə way nə̀ ghaa doʼo ukɔd, kə ghəŋŋə soʼo way nə̀ ghaa i tsəŋə. Zay kə Zow key Zə̀ kə â fuunə tə ghaa fədlə ghəŋŋə nə̀ ghaa i loʼ waa a Kəzə̀ ghə. À loʼ wi tə ghəŋŋənə nə̀ saa i tɔŋŋə ndow Zə̀ kə tɔŋŋə kuulə nə̀, “Bày! A Bày wuŋ!”

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Roma 8:23

À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

Roma 9:4

Ghə loʼ ghə̂ ghə Izree ghən Zə̀ kə â sàynə ghə nə̀ ghə doʼo waa a wi. Tə u dii bə kɔʼlə n wi mə tə ghə. Zə̀ kə â zə̂ nkaa ghi ghə, fuu ghə n laŋ u wi wə, ghəŋə nə̀ ghə i ngɔɔmə wi n jìi zey i kpiinə. À loʼ tə ghə, Zə̀ kə â təb naŋanə ghəə ghə n ndəm.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:21

Ghaa ghən ghaa ləghə ni muu n tənə kəlaŋ, dza bə na tə mə, ghaa məghənu fə key laŋ kə tii kə diinə ə?

Galeshia 4:7

I sey dii nə̀ ghaa kəm way dzə ukɔd, ghaa nya loʼ waa a Kəzə̀. Nya wən ghaa loʼnə waa a wi ghə, i sey dii nə̀ Zə̀ kə i fuunu ghaa n fə wey tə â təb naŋanə tə waa a wi ghə.

Efesus 1:5

tə mâ khə bayyə naŋa nə̀ saa i bə doʼlə waa a wi n bam i Yeso Klisto, n təŋkey, â loʼ ghəə zey tə â tsəm tsu ni fwaʼ n fə̀ŋ ə wi i dzuŋu zə.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 9:12

Tə â ka nyi dzə n luʼu kə zow kən n kaŋ tə ji tə nkee kaŋ tə mbɔŋ tə ni ndow fəələ umaʼlə tii, tə â fəd nyi ndow n kaŋ tə wi tə. Sey, tə n fuu saa n bəghəshi zən i nə may way.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

Chi dii 14:3

Ghə̂ ghən təkam fəbɔm nsə kam tə nghəm nkaykə nsə kam tə təkaykə n zhim ndzaŋ i fəghə zə n sə kə kuu kə fɔɔ nsə n sə kə fə wey ukaykə u loʼnə utaw nsə ngəd tey. Wù n way ni zoʼlə ndzaŋ zey ghə zhimnə, à may kə ghə̂ ghən təkam fəbɔm nsə kam tə nghəm nkaykə nsə kam tə təkaykə ghə â bəghəshi ghə fa a ghəlitsə.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.