Galeshia 4:4 - Kaa n Kəzə̀ n fəghə mə

⁴ Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

Galeshia 4:4 ပူးပေါင်းရင်းမြစ်များ

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Matyo 3:15

Yeso n fəd dza ndòw tə̀ wi nə̀, “Maŋ ghəŋə ndow kənu, n təŋkey, à loʼ ghəə zey i kpiinə ni ghəŋə n sə̂ K-a-zə̀.” Jɔn sey bəghəm kɔʼnu ni fuu wi n mmuu n Kəzə̀ mə.

Matyo 5:17

Yeso n dza kpiʼi ndow tə ghə nə̀, “Kə̂ ghaa nə̂ moʼlə nə̀ n bə ni bə buu naŋa laŋ kə Mushi nsə ghɔɔmə i tûm tə Kəzə̀ tə. N ka bə dzə ni bə buu naŋa laŋ u tii wə. N fəd bə ni bə luulə tsu laŋ u tii wə.

Malakus 1:15

“Nəŋə zə n kpii, fɔɔ u Kəzə̀ wə n shɔd. Kweyyə na fə̀ŋ tə ghaa tə, ghaa bəghəm tûm i dzuŋu zə.”

Lukas 1:31

Wə̀ i bɔŋɔnu, wə̀ i ji bə waa u num wə. Wə̀ i tsə̀ tsu zəd i wi nə̀ a loʼ Yeso.

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 2:7

Tə n ji bə waa wi usə̂ isə wə̀, nə a loʼ waa u num wə. Tə n baŋ kɔʼ wi nə təndzə̂, nyəŋŋə naŋa tsu wi n kəŋ ufəzəə u tənyam, n təŋkey ghə â ka keeli bùʼ kə n ndaw i zayyə zə.

Lukas 20:44

Abə Devid a tɔŋɔnə wi nə a loʼ Mûkəbii, zə i sə kəm doʼlə ngee nə tə loʼ waa wi ə?”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 6:38

N ghəə ghən dza n təŋkey n ka nuu tsu bə dzə idəŋ ni bə ghəŋə ghəə ghey n ləghənə, n fəd nuu tsu bə ni bə ghəŋə ghəə ghey wù wey tə tûmnə mə, ləghənə.

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

Kəfwaʼ 1:7

Yeso n beeli ndow ghə nə̀, “À way dzə buʼ kə ghaa ni keeli nəŋə i tii zə nkee tsuʼ fey bày wuŋ bayyə naŋanə n daʼa kə wi.

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Roma 5:6

Zə̀ kə â bɔɔmə tûm bə Klisto n nəŋə zey saa â ngəmsə khə way jii i loʼ zə ni bəghəshi wû i saa, nə̀ tə bə kpu n tow u ghə̂ a bəbə ghə.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

Kolose 2:14

Zə̀ kə n zəd maʼa tsu ghəə a saa a bəbə ghən a khənə tə laŋ kə diinə. Tə ghəə a tii ghə â neynu nghee tə ghə â baa n zat kə fəkaʼ ghi Klisto.

1 Timoti 2:6

À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 4:2

Jii zey saa keelinə ghə̂ ghən ghə khənə Zay K-a-zə̀ kə loʼ nə, wù wən tə bəghəmnə nə̀ Klisto â bə fa n mbi n wû u wù sɔŋtsuʼ, tə sey khə zay key kə nuu bə n wɔ Zə̀ kə.