Galeshia 3:29 - Kaa n Kəzə̀ n fəghə mə

²⁹ Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Galeshia 3:29 ပူးပေါင်းရင်းမြစ်များ

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

Galeshia 3:16

Zə̀ kə â təb naŋa ghəə ghən tə Abraham ghi waa waa wi. Màʼlə K-a-zə̀ kə ka dza dzə nə̀, “Tə waa a waa a wi ghə.” Tə a i dza ghə loʼ n ndəm. Màʼlə K-a-zə̀ kə fəd dza, “Waa waa wi”, dii tsu nə a loʼ wù umɔʼ tɔŋŋə Klisto.

Galeshia 3:18

Abə a loʼ nə a keeli buulə i Kəzə̀ bòʼ nə̀ a naŋŋə kəlaŋ, i sey dii nə̀ buulə i tii i ka bə dzə n bam i təb kən Zə̀ kə â təb naŋanə. A kee loʼnə Zə̀ kə â fuu tə Abraham fə key tə â təb naŋanə tə wi.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Galeshia 3:7

I sey dii nə̀ ghə̂ ghən ghə baa loʼnə waa a waa ghə Abraham ghə, loʼ ghə̂ ghey ghə khənə bəghəm i fə̀ŋ zə n kow Zə̀ kə.

Galeshia 4:1

Ni kəm ney tsu, waa wən tə loʼnə nə a loʼ zəə kəbii, abə tə nam təbə nə̀, wi ghi wù kəfwaʼ, kweyyə kə loʼ kə way dzə, n təŋkey tə ka kam beyyə kpi dzə, nghee tə i tsəm loʼ kə nə a loʼ wi tə khənə fə wə udzəm.

Galeshia 4:7

I sey dii nə̀ ghaa kəm way dzə ukɔd, ghaa nya loʼ waa a Kəzə̀. Nya wən ghaa loʼnə waa a wi ghə, i sey dii nə̀ Zə̀ kə i fuunu ghaa n fə wey tə â təb naŋanə tə waa a wi ghə.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Galeshia 6:16

Abə tə ghə̂ ghən ghə bweynə n jii zən, n gɔŋŋə nə̀ buulə i Kəzə̀ nsə sî i kwɔɔlə i wi zə i loʼ ghi ghə nsə n kow ghə̂ a Kəzə̀ ghə adzəm.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 11:18

Loʼ sey nə̀ Zə̀ kə mâ dza naŋa tə̀ wi nə̀, “À i loʼ n bam i Ayzik wə i keelinə waa a waa ghən mə â təb naŋanə tə̀ wɔ.”

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 6:17

Zə̀ kə â ləghə ni tɔʼ dii ndow tə̀ ghə̂ ghey tə â təb naŋanə təb kə tə̀ ghə nə̀ tə bwuulə maʼa way təb kə wi kə. Sey, tə n zə̂ kɔʼ nkaa n təb kə tii kə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.