Galeshia 3:28 - Kaa n Kəzə̀ n fəghə mə

²⁸ Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Galeshia 3:28 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 10:16

N khənu njì tə loʼ tə nə̀ tə way dzə n kaʼ kən. N khə ni ney təmdzəŋi bə ghə, ghə i dzəŋi zow tə̀ mə. Sey nə̀ ghə i dzəŋi loʼ nə kəkaʼ kəmɔʼ, ghə i khə soʼo wù baʼa u tənjì wə umɔʼ.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 9:24

Saa loʼ soʼonu n taŋ a ghə̂ ghey Zə̀ kə â say naŋa nə̀ ghə i keeli kɔʼlə mən, a kad way kə ghə̂ a Təjuu ghə i keelinə kɔʼlə n tii mə, ghə̂ ghən ghə way ghə̂ a Təjuu ghə keeli soʼonu kɔʼlə n tii mə.

1 Kɔrint 7:14

N sa dza təŋkey, weynum wey tə way dzûmə Klisto, Zə̀ kə bəghəm naŋŋənu wi n təŋkey tə ney weyzən wey tə loʼnə dzûmə Klisto. Weyzən wey tə way dzûmə Klisto, Zə̀ kə bəghəm naŋŋə soʼonu wi n təŋkey tə ney weynum wey tə loʼnə dzûmə Klisto. Abə a mə way sey, tə Zə̀ kə mə way ni bəghəm naŋa waa a ghaa. Isəŋə kee loʼ nə̀ Zə̀ kə n bəghəm naŋa waa a ghaa ghə.

1 Kɔrint 7:19

I loʼ sey n təŋkey, abə wə səghənə tyi kə kə̀ mɔ wə ka səghə, Zə̀ kə ney way n taŋ. Ghəə zey Zə̀ kə baa neynə n taŋ loʼ nə̀ wə i naŋŋə laŋ u wi wə.

Galeshia 3:14

Zuŋ key tə a kùm shinə saa â loʼ ni ghəŋə nə̀ ghə̂ ghən ghə way ghə̂ a Təjuu ghə, ghə loʼ ni mbɔŋ keeli soʼo buulə zən Zə̀ kə â fuunə tə Abraham n bam i Yeso Klisto. Seynə saa loʼ ni keeli Zay kə Zow kən Zə̀ kə a təb naŋanə n bam i bəghəm i fə̀ŋ i saa.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:14

Dzaŋ zuŋ zə â loʼ tə a loʼ uchɔd tə̀ ghaa, n jìi zey ghaa â loʼnə ni tuu maʼa mə, ghaa n ka tuu maʼa mə, ka nyaŋ maʼa soʼo mə. Ghaa n fəd ngɔɔmə naŋa mə tə n loʼ tsəndəghə ə Kəzə̀ nkee Yeso Klisto n wû u wi wə.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Efesus 4:4

Saa dzəŋi loʼ tə̀ a loʼ wû u wù u loʼnə nə kəfə kəmɔʼ, Zay kə Zow kə u loʼnə kə kəmɔʼ tə̀ saa adzəm, ighələ tə̀ saa ghən adzəm Zə̀ kə tɔŋɔnə saa, saa ləmmənə fə kə mɔʼɔ kə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Kolose 1:4

Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.