Galeshia 3:27 - Kaa n Kəzə̀ n fəghə mə

²⁷ Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Galeshia 3:27 ပူးပေါင်းရင်းမြစ်များ

Lukas 15:22

Bày n fəd tɔŋɔ bə ghə̂ a kəfwaʼ a wi, dza tə̀ ghə nə̀, “Mbad ney bə na saŋ i dzuŋu zey, ghaa dzəŋə tsu n kow wi, ghaa dzəŋŋə tsu fətii n wɔɔ kə wi, ghaa dzəŋŋə tsu soʼo wi n gòwtə.

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 8:16

Zay kə Zow kə â ka kam nyi dzə n kow ghə, n təŋkey, ghə â ney kə mmuu n Kəzə̀ n zəd i Mûkəbii Yeso.

Kəfwaʼ 9:18

N nəŋə i tii zə kə, fə u loʼ wə tə a loʼ zhwey u tətsəghə wə n tsɔʼlə nuutsu n sə̂ a Sɔl. Tə n kəm kaʼ ni koʼ təluʼu. Tə n nuu i kɔʼ, Ananyas n fuu wi n mmuu n Kəzə̀ mə.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

1 Kɔrint 10:2

Ghə n dzəŋi ney kɔʼ mmuu n Kəzə̀ nə təmbaʼ nsə n naali kə dzuu kən nghee tə ghə â dzûmə ndownə Mushi.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

Efesus 4:24

Ghaa khə ni muu muu i fəghə zə, muu zey i loʼnə tə̀ a loʼ muu i Kəzə̀, sey nə̀, ghaa i ndzəm loʼ tsətsəghə, zow n muu i ghaa.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.