Galeshia 3:26 - Kaa n Kəzə̀ n fəghə mə

²⁶ Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 3:26 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:7

Tə a bə ni bə təmi tiilə aghəə bòʼ daa kə tii kə, sey nə̀, ghə̂ adzəm a loʼ ni zow, ghə bəghəm tə̀ daa kə tii kə.

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Galeshia 4:14

Dzaŋ zuŋ zə â loʼ tə a loʼ uchɔd tə̀ ghaa, n jìi zey ghaa â loʼnə ni tuu maʼa mə, ghaa n ka tuu maʼa mə, ka nyaŋ maʼa soʼo mə. Ghaa n fəd ngɔɔmə naŋa mə tə n loʼ tsəndəghə ə Kəzə̀ nkee Yeso Klisto n wû u wi wə.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Efesus 1:5

tə mâ khə bayyə naŋa nə̀ saa i bə doʼlə waa a wi n bam i Yeso Klisto, n təŋkey, â loʼ ghəə zey tə â tsəm tsu ni fwaʼ n fə̀ŋ ə wi i dzuŋu zə.

Efesus 5:1

Ghaa khə ndeemi tsu iwû ni ney ghow kə ibwey K-a-zə̀, n təŋkey, ghaa loʼ waa a wi ghən tə ngii ləghənə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 1:8

Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Kolose 1:4

Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.

Kolose 2:6

Nghee ghaa bəghəm dzənə Yeso Klisto tə a loʼ Mûkəbii, ghaa khə ni muu nə kəfə kəmɔʼ ghi wi.

Filemun 1:1

À màʼlə kən tɔ̀ɔ bə mə Pɔl. N loʼ wù ndaw tsaʼ bòʼ fwaʼ kən n fwaʼa nə tə Yeso Klisto. N maʼlə kən tɔ̀ɔ bə ghi waazə ə saa Timoti. Ghey tɔ̀ɔ bə tə wɔ a Filemun, wə loʼ fə̂ ə ghey u dzuŋu wə, wə fwaʼa dzəŋinə ghi ghey.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.