Galeshia 3:23 - Kaa n Kəzə̀ n fəghə mə

²³ Ni bə kuum n nəŋə zey ghey â kaʼ ni keeli bəghəm i fə̀ŋ tii n kow Klisto, â loʼ kəlaŋ kə â keyyənə ghey. Saa â loʼ tə a loʼ ghə̂ a ndaw tsaʼ ni ndow kuum n nəŋə zey saa â keelinə bəghəm i fə̀ŋ zə tii.

Galeshia 3:23 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Roma 11:32

I loʼ sey n təŋkey, Zə̀ kə n ghəŋə nə̀ aghə̂ adzəm a doʼo bə tə a loʼ ghə̂ a ndaw tsaʼ tə tow kə taw kə, sey nə̀ tə loʼ ni dii sî i wi i kwɔɔlə zə tə ghə adzəm.

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Galeshia 3:19

Abə a loʼ sey, Zə̀ kə â fuu laŋ kən nə a loʼ kee? Zuŋ key Zə̀ kə â fuunə laŋ kə â loʼ ni dii tə ghə nə̀, ghə ghəŋŋə ghəə a bəbə ghə ni bə kuum bə n nəŋə zey Yeso, tɔŋɔ waa wey Zə̀ kə a dza naŋanə nə̀ i tûm bənu â bənə tii. À loʼ tsətəndəghə tə Kəzə̀ tə â bə fuunə laŋ kə tə Mushi tə loʼ wù wən tə təmə dzəŋi ghə̂ ghə ghi Zə̀ kə.

Galeshia 4:21

Ghaa ghən ghaa ləghə ni muu n tənə kəlaŋ, dza bə na tə mə, ghaa məghənu fə key laŋ kə tii kə diinə ə?

Galeshia 5:18

À kee loʼ nə̀, abə wə bweynə n daʼa kə Zay kə Zow kə, i sey dii nə̀, wə way dzə n tənə kəlaŋ.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.