Galeshia 3:22 - Kaa n Kəzə̀ n fəghə mə

²² I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Galeshia 3:22 ပူးပေါင်းရင်းမြစ်များ

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Tùm i dzuŋu zə kuum Yeso Klisto tə Jɔn â tɔɔnə 12:46

N bə fa n mbi tə̀ a loʼ kədaa, sey nə̀, wù wey tə bəghəm fuu dzə tə̀ mə, tə ka doʼo tən dzə nə kələm.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Kəfwaʼ 16:31

Ghə n beeli ndow wi, dza nə̀, “Wə khə ni bəghəm tə̀ Mûkəbii Yeso, sey wə i keeli ibəghəshi ghi ghə̂ ghey n ndaw zə adzəm.”

Roma 10:9

I loʼ nə̀, abə wə loʼ ni dza shi bə n dzuu zə zə̀ nə̀, “Yeso loʼ Mûkəbii.” Bəghəm kɔʼ soʼo n fə̀ŋ zə nə̀ Zə̀ kə zhəm dzəŋŋə bə wi nə ivə, Zə̀ kə i bəghəshi wɔ.

Roma 11:32

I loʼ sey n təŋkey, Zə̀ kə n ghəŋə nə̀ aghə̂ adzəm a doʼo bə tə a loʼ ghə̂ a ndaw tsaʼ tə tow kə taw kə, sey nə̀ tə loʼ ni dii sî i wi i kwɔɔlə zə tə ghə adzəm.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

Roma 3:23

I loʼ nə̀, aghə̂ adzəm n ghəŋŋə bəəbə n sə K-a-zə̀, sey, ghə ka kəm kɔʼ kpii dzə ni ghəŋə ghəə zey Zə̀ kə loʼ ni kali ghə tii.

Roma 5:12

Bəb zə â bə fa n mbi nə̀ a ney bə wù umɔʼ. Bəb i tii zə n ney bə ivə. Sey, və zə n daŋ ndow aghə̂ adzəm n mbi n təŋkey, aghə̂ adzəm fa n mbi n ghəŋə bəb zə.

Galeshia 3:14

Zuŋ key tə a kùm shinə saa â loʼ ni ghəŋə nə̀ ghə̂ ghən ghə way ghə̂ a Təjuu ghə, ghə loʼ ni mbɔŋ keeli soʼo buulə zən Zə̀ kə â fuunə tə Abraham n bam i Yeso Klisto. Seynə saa loʼ ni keeli Zay kə Zow kən Zə̀ kə a təb naŋanə n bam i bəghəm i fə̀ŋ i saa.

Galeshia 3:17

Ghəə zey n dzanə loʼ nə̀, Zə̀ kə a zə̂ nkaa ghi Abraham tə n təb naŋa tsu nə i naŋŋənu kaa n tii mə. Laŋ kən Zə̀ kə a fuunə n bam i tənum nbɔm kaykə nsə ghəm mə ntəghə, kə â ka kaa maʼa dzə nkaa mey tə â zə̂ naŋanə. Dii tsu nə̀, ghəə zey tə a bəghəm naŋa nə̀, nam teynu.

Galeshia 3:23

Ni bə kuum n nəŋə zey ghey â kaʼ ni keeli bəghəm i fə̀ŋ tii n kow Klisto, â loʼ kəlaŋ kə â keyyənə ghey. Saa â loʼ tə a loʼ ghə̂ a ndaw tsaʼ ni ndow kuum n nəŋə zey saa â keelinə bəghəm i fə̀ŋ zə tii.

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

2 Pita 3:13

Saa kee ləmmə kə təb key Zə̀ kə â təb naŋanə tə̀ saa. Tə â təb naŋa saa n dəŋ kə fəghə kə nsə ghəlitsə kə fəghə kə. À fu tii muu tən kə ghə̂ ghey ghə ghəŋŋə ghəə ghey a kpiinə tə̀ Zə̀ kə.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.