Galeshia 3:19 - Kaa n Kəzə̀ n fəghə mə

¹⁹ Abə a loʼ sey, Zə̀ kə â fuu laŋ kən nə a loʼ kee? Zuŋ key Zə̀ kə â fuunə laŋ kə â loʼ ni dii tə ghə nə̀, ghə ghəŋŋə ghəə a bəbə ghə ni bə kuum bə n nəŋə zey Yeso, tɔŋɔ waa wey Zə̀ kə a dza naŋanə nə̀ i tûm bənu â bənə tii. À loʼ tsətəndəghə tə Kəzə̀ tə â bə fuunə laŋ kə tə Mushi tə loʼ wù wən tə təmə dzəŋi ghə̂ ghə ghi Zə̀ kə.

Galeshia 3:19 ပူးပေါင်းရင်းမြစ်များ

Lukas 16:31

Abraham n fəd dza tə̀ wi nə̀, ‘Abə ghə way ni bwey n laŋ u Mushi nsə n tsə i tûm tə Kəzə̀, ghə i nam way ni kwey abə wù tsəm zhəm dzəŋŋə bə kə nə ivə bə dza bə tə ghə.’”

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 15:22

Abə mə â ka bə ghɔɔmə aghəə tə̀ ghə, tə ghə mə khə way bəb i loʼ zə, a sə nya fa loʼ kə nə̀ ghə kəm way ni tuu nə̀ ghə ka bəb i loʼ i ghəŋə.

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Kəfwaʼ 7:53

À kəm bwuulə maʼa ghaa laŋ K-a-zə̀ kə, loʼ sey nə̀ aloʼ n wɔ ghaa tsətəndəghə tə Kəzə̀ tə â kuu tsunə laŋ kə tii.”

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

Galeshia 3:16

Zə̀ kə â təb naŋa ghəə ghən tə Abraham ghi waa waa wi. Màʼlə K-a-zə̀ kə ka dza dzə nə̀, “Tə waa a waa a wi ghə.” Tə a i dza ghə loʼ n ndəm. Màʼlə K-a-zə̀ kə fəd dza, “Waa waa wi”, dii tsu nə a loʼ wù umɔʼ tɔŋŋə Klisto.

Hibru 2:2

N dza sey n təŋkey, tûm Kəzə̀ zən tsətəndəghə tə Kəzə̀ tə a fuunə tə̀ ghə bày bày a saa ghə, loʼ isəŋə. Ghə̂ ghən adzəm ghə dzûmə way tûm tii nkee ghə naŋŋə way laŋ kə tii kə, ghə mâ keeli ngoʼ zən zə a kpiinə tə̀ ghə.

Hibru 2:5

Zə̀ kə â ka fuu dzə daʼa kə tə tsətəndəghə tə Kəzə̀ tə nə̀ ghə i saʼa mbi zən i bəghənə, tɔŋŋə mbi zən a khəənə ghəə ghə tii nya.