Galeshia 3:17 - Kaa n Kəzə̀ n fəghə mə

¹⁷ Ghəə zey n dzanə loʼ nə̀, Zə̀ kə a zə̂ nkaa ghi Abraham tə n təb naŋa tsu nə i naŋŋənu kaa n tii mə. Laŋ kən Zə̀ kə a fuunə n bam i tənum nbɔm kaykə nsə ghəm mə ntəghə, kə â ka kaa maʼa dzə nkaa mey tə â zə̂ naŋanə. Dii tsu nə̀, ghəə zey tə a bəghəm naŋa nə̀, nam teynu.

Galeshia 3:17 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Kəfwaʼ 7:6

Zə̀ kə n dza soʼo tə wi nə̀, ‘Waa a waa ghə ghə i muulə n naʼ i kətûm, ghə nə ney naŋa ghə tə a loʼ ukɔd, ghə nə chɔd ghə nə tənum nbɔm nkaykə.’

Roma 3:25

Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

Roma 3:3

Ney kɔʼ na nə̀ ghə̂ a Təjuu a loʼ ghə a tɔʼɔ naŋŋə way ghɔɔmə i ghə zə, i sey diinu nə̀ Zə̀ kə i ghəŋə way ghəə zey tə â bəghəm naŋa nə̀ tə i ghəŋŋənu ə?

1 Kɔrint 1:12

Ghəə zey n baa dzanə loʼ nə̀, ghə̂ a loʼ ghə n fəŋŋə kə ghaa a dza nə̀, “N dzûmə Pɔl”, a loʼ ghə a dza nə̀, “N dzûmə Apolos.” À loʼ ghə a dza nə̀, “N dzûmə Pita.” Ghə̂ a loʼ a loʼ soʼonu ghə dzanə nə̀, “N dzûmə Klisto.”

1 Kɔrint 1:17

Klisto â ka tûm bə dzə mə nə̀ n bə, mə i fuu mmuu n Kəzə̀ mə. Tə â tûm bə mə nə̀ n bə naʼa tûm i dzuŋu zə. Tə â tûm bə mə nə̀ n bə naʼa tûm i dzuŋu zə nə̀ a way dzə n tɔb u wù sɔŋtsuʼ nsə n dzə̀ ə wù sɔŋtsuʼ, sey nə̀ kə̂ və zən Klisto â kpuunə n zat kə fəkaʼ nə doʼlənə kənunu.

1 Kɔrint 10:19

Ghəə ghən n dzanə dii dzə way nə̀ fəzəə wey ghə fuunə tə a loʼ umaʼlə tə̀ muʼu mə, khənu daʼa kə loʼ kə nkee ni dza nə̀ muʼu n khənu daʼa kə loʼ kə.

1 Kɔrint 7:29

Waazə ghə, ghəə zey n dzanə loʼ nə̀, nəŋə i Mûkəbii ni bə dzəŋŋə n shɔd. Sey, ni zey tsu nya ndòw n sə kə, gheynum ghey ghə khənə ghey ghə khə ni muu tə̀ a loʼ ghə̂ ghey ghə khə way ghey ghə,

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

2 Kɔrint 9:6

Keeli tsu na nə̀, Wù wey tə təmnə ndzoʼ tə fənyaŋi, tə i kpey soʼo fənyaŋi, wù wey tə ndəŋ təmnə ndzoʼ tə, tə i ndəŋə kpey soʼonu.

Galeshia 3:15

Waazə ghə, ney kɔʼ na n muu zən saa muu nə a tii tsuʼ ndzəm. Abə aghə̂ a bəghə a bəghəm dzəŋi kɔʼnə nə ighəə, zə̂ kɔʼ nkaa tii, wù loʼ way ni tuu maʼa nkee ni kuu kpiʼi ghə i loʼ zə tii.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Galeshia 5:16

N dza bə tə ghaa nə̀ ghaa khə ni muu n daʼa kə Zay kə Zow kə, n təŋkey, a wey loʼ fə key kə i gaamənə ghaa nə ghaa ka i ghəŋŋə ghəə a bəbə ghey gow uwû ghaa ləghənə.

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Kolose 2:4

N ghəə ghən dza bə nə ghaa tɔʼ təmi tsu, nə̀ kə wù loʼ nə nəbə fuunə ghaa n ghəə a badla ghən a fiilənə isəŋə.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 7:18

Zə̀ kə â baʼ naŋa kɔʼ laŋ kə wey kə n təŋkey, kə â khə way daʼa kə, khə soʼo way fwaʼ kə loʼ kə.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.