Galeshia 3:16 - Kaa n Kəzə̀ n fəghə mə

¹⁶ Zə̀ kə â təb naŋa ghəə ghən tə Abraham ghi waa waa wi. Màʼlə K-a-zə̀ kə ka dza dzə nə̀, “Tə waa a waa a wi ghə.” Tə a i dza ghə loʼ n ndəm. Màʼlə K-a-zə̀ kə fəd dza, “Waa waa wi”, dii tsu nə a loʼ wù umɔʼ tɔŋŋə Klisto.

Galeshia 3:16 ပူးပေါင်းရင်းမြစ်များ

Matyo 1:1

À wən loʼ màʼlə kən kə taŋŋə kɔʼ bənə ghə bày bày a Yeso Klisto wən tə â loʼnə waa sali i kəbii i fɔ̀ɔ Devid. Devid â loʼ waa sali i kəbii zə Abraham.

Lukas 1:55

ighələ tə̀ tə â dza naŋanə tə̀ ghə bày a saa ghə nə i nə ghəŋŋə sey tə Abraham nsə waa a waa a wi ghə tə̀ mbi nə bə may.”

Kəfwaʼ 3:25

Ghaa loʼ waa a waa a tûm tə Kəzə̀, dii tsu nə̀ kaa mən Zə̀ kə â zə̂nə ghi ghə bày a ghaa ghə, loʼ soʼo tə ghaa. Zə̀ kə â dza tə Abraham nə̀, ‘Mə i buulə tənaʼa tədzəm fa n mbi n bam i waa a waa ghə.’

Roma 12:5

À loʼ ighələ ghi saa ghən saa bəghəmnə tə Klisto, nghee tə saa loʼ kənə n ndəm, saa dzəŋi loʼ tə a loʼ uwû umɔʼ, saa u dzəŋi gaamə tiilənə wû i saa zə.

Roma 4:13

Zə̀ kə â təb naŋa tə Abraham ghi waa a waa a wi ghə nə̀ à i keeli ghə mbi zən. Â way dzə nə̀ tə â tɔʼɔ ngii naŋŋə laŋ K-a-zə̀, â fəd loʼ n təŋkey, tə â bəghəm tə Zə̀ kə, Zə̀ kə n ney ndow wi nə̀ tə loʼ tsətsəghə.

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

Roma 9:4

Ghə loʼ ghə̂ ghə Izree ghən Zə̀ kə â sàynə ghə nə̀ ghə doʼo waa a wi. Tə u dii bə kɔʼlə n wi mə tə ghə. Zə̀ kə â zə̂ nkaa ghi ghə, fuu ghə n laŋ u wi wə, ghəŋə nə̀ ghə i ngɔɔmə wi n jìi zey i kpiinə. À loʼ tə ghə, Zə̀ kə â təb naŋanə ghəə ghə n ndəm.

1 Kɔrint 12:12

Klisto loʼ tə a loʼ uwû umɔʼ u khənə ndəmə uzuŋ. Wû u tii u nam loʼ kə uwû umɔʼ abə u tsəm khə kənə ndəmə uzuŋ.

1 Kɔrint 12:27

Ghaa loʼ wû u Klisto, kay wù n fəŋŋə kə ghaa u loʼ zuŋ kə uwû kə wi kə.

2 Kɔrint 11:22

Ghə dza nə̀ ghə loʼ ghə̂ a Hibru ə? N loʼ soʼo wù Hibru. Ghə dza nə̀ ghə loʼ ghə̂ ghə Izree ə? N loʼ soʼo wù Izree. Ghə dza nə̀ ghə loʼ waa a waa ghə Abraham ə? N loʼ soʼonu waa waa Abraham.

Galeshia 3:19

Abə a loʼ sey, Zə̀ kə â fuu laŋ kən nə a loʼ kee? Zuŋ key Zə̀ kə â fuunə laŋ kə â loʼ ni dii tə ghə nə̀, ghə ghəŋŋə ghəə a bəbə ghə ni bə kuum bə n nəŋə zey Yeso, tɔŋɔ waa wey Zə̀ kə a dza naŋanə nə̀ i tûm bənu â bənə tii. À loʼ tsətəndəghə tə Kəzə̀ tə â bə fuunə laŋ kə tə Mushi tə loʼ wù wən tə təmə dzəŋi ghə̂ ghə ghi Zə̀ kə.

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Efesus 5:32

Ndəmə aghəə a nyì doʼonu n ghɔɔmə zən, n kee dza bə ni dii bə nghee tə doʼo i Klisto ghi ghə̂ a ndaw Kəzə̀ i loʼnə tii.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.