Galeshia 3:1 - Kaa n Kəzə̀ n fəghə mə

¹ Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Galeshia 3:1 ပူးပေါင်းရင်းမြစ်များ

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 7:26

Wù wey tə zownə ghɔɔmə zuŋ zə, ghəŋŋə way ghəə ghey n dzanə, loʼ tə̀ à loʼ wù laʼlə wey tə â bəghənə ndaw wi nə kəsəsay.

Lukas 24:25

Yeso sey dzanu tə̀ ghə nə̀, “Ghə̂ a laʼlə! I sa tsəghəshiə ghaa ni keeli fə̀ŋ ni bəghəm ghəə ghey tûm tə Kəzə̀ tə â tɔ̀ɔ naŋanə ə?

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

1 Kɔrint 11:26

I sey dii nə̀, nəŋə tədzəm ghaa zə̂ənə baa kən mə̂ə soʼo lə mən, ghaa sey naʼlə ndow tə̀ ghə̂ a loʼ ghə nə̀ Yeso â kpu n tow u ghaa. Ghaa i naʼlə sa ni ndow kuum n tsuʼ fey tə i bəghə dzəŋŋənə tii.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

2 Kɔrint 10:5

Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

Galeshia 1:2

Waazə a saa ghən ghə bəghəm nə tə Zə̀ kə, ghə loʼ fa ghi mə, tɔŋɔ zow bə soʼo ghaa n dzəŋi u dzûmə tə Klisto wey tə loʼnə n mboʼo Galeshya.

Galeshia 1:6

I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.

Galeshia 2:14

Ambə n koʼ tsunə nə̀ ghə kəm bwey way nə isəŋə zən tûm i dzuŋu i dii nə̀, mə n dza ndow tə Pita n sə kə ghə̂ ghey fu adzəm nə “Wə mgbaŋ loʼ wù Juu, wə u muu nə tə alo wù wən tə way wù Juu. Wə kəm loʼ n ngee ni tənnə ghə̂ ghən ghə way ghə̂ a Təjuu ghə nə̀ ghə i dzûmə ghəə ghə inaʼ a Təjuu ghə ə?”

Galeshia 3:3

Ghaa sa boʼo laʼlə nə a loʼ kee? Ghaa mâ mgbaŋ kaʼ dzɔb muu i ghaa zə tə a loʼ dzûmə tə Klisto n daʼa kə Zay kə Zow kə, à loʼ kee ghaa dza i kəm guŋ kɔʼ nya n daʼa kə ghaa a?

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

Efesus 5:15

Sey, ney na ghə̂mə zə n jìi zey ghaa muunə tii. Kə ghaa nə̂ muulənə tə̀ a loʼ ghə̂ a laʼlə ghə, ghaa khə ni muu tə̀ a loʼ ghə̂ ghən ghə khənə tɔb wə.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

1 Timoti 6:4

ndzoʼo wù tii maŋa ghaŋŋə uwû nə kənunu loʼ sey nə̀ tə zowkeeli way ghə i loʼ zə. Chɔt u wù tii u loʼ kə ni soʼo kaabə tsə ghɔɔmə zə, ghəŋŋə soʼo nə̀ ghə̂ ghə i fəə kaabə dzuu ghə. Ghəə ghən ghəŋŋənu ghə n kpaalə iwû n jìi zey ghə zèy daŋŋə ndow ni ghoʼo wû zə, ghəə a kəndəm, bii iwû nə təghɔɔmə nsə moʼlə tə bəbə tə.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Chi dii 18:3

Ghə̂ ghey ghə loʼnə nə tənaʼa tədzəm n mɔʼ mə̂ nlə n wi mə. Ghə n mə̂ nlə n wi n taw mən n ghəŋŋənə nə̀ ghə̂ ghə i ghəŋŋə ghəə a laŋŋə ghə. Də̀ŋ wən u loʼnə a ghəlitsə n nyəŋi tsəghə kaabə bə ghi wi, ghə̂ ghən ghə fillə bikiwən kə fa a ghəlitsə n kûm daŋŋə n bam i wi n təŋkey tə ngii ləghə fə̂ u mbi.”

Chi dii 2:20

À kee loʼ nə̀ ghə i loʼ i loʼnu ghaa ghəŋŋənə nə̀ n ləghə way. Ghə i tii i loʼ nə̀, ghaa ka buu naŋa weyzən wən ghə tɔŋŋə nə̀ à loʼ Jezebel, weyzən wən tə tɔŋŋə wû u wi wə nə tə loʼ wù tûm Kəzə̀, nə̀ ghəə ghey tə diinə sìi ndzəŋŋə ghə̂ a kəfwaʼ ghuŋ nə̀ ghə i ghəŋŋə ghəə a laŋŋə ghə, ghəŋŋə soʼo nə̀ ghə i zəə fəzəə wən u loʼ nə̀ ghə n fəələ tə a loʼ umaʼlə tə̀ muʼu mə.