Galeshia 2:9 - Kaa n Kəzə̀ n fəghə mə

⁹ Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Galeshia 2:9 ပူးပေါင်းရင်းမြစ်များ

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Lukas 22:8

Yeso n tûm ndòw Pita ghi Jɔn isə dza, “Ndow khəələ na fəzəə u Zə̂ kə taa zaʼa kə tə̀ saa ni zə̂.”

Tùm i dzuŋu zə kuum Yeso Klisto tə Jɔn â tɔɔnə 1:42

Sey tə n ney bə Shimun n səə Yeso. Yeso n laalə ndòw Shimun dza tsu nə̀, “Wə loʼ Shimun waa Jɔn, mə i tsə̀ə tsuu zəd zə nə̀ a loʼ Sefas.” (Ghə tɔŋŋə soʼo Sefas nə̀ a loʼ Pita i diinə n ghɔɔmə i Grik nə a loʼ Kənaa).

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 15:13

Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

Roma 15:15

À kee loʼ nə̀ n màʼlə kən tɔ̀ɔ bə tə ghaa n fə̀ŋ zuŋ idzəm ni kəm tɔʼ zəŋŋə kpiʼi bə ghaa n ghəə a loʼ ghə. N khə fə̀ŋ ə tii ni tɔ̀ɔ bòʼ ndzuŋ zey Zə̀ kə fuunə tə mə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

2 Kɔrint 11:5

N moʼlə nə̀ n təbə dzə way n sə̂ kə ngəd tə ghaa tə nii tən.

2 Kɔrint 12:11

N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 8:4

Ghə n buʼu bə kəwɔɔ tə̀ ghey n fə̀ŋ tə ghə tə tədzəm nə̀ ghey mə fuu ghə n buʼ kə nə̀ ghə təmdzəŋi ni gaamə dzûmə tə Klisto tey n mbuʼu Judeya.

Galeshia 1:16

tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,

Galeshia 1:18

Ambə num tə tsəghə tsu tətəghə, mə n kɔʼ ndow n Yerosalem ni ndow koʼ Pita, doʼo tsu fu ghi wi nə ntsuʼ ighəm nsə tsuʼu mə ntaa.

Galeshia 2:1

Ambə num tə tsəghə tsunə ighəm nsə num tə təkaykə, mə n kəm nuu kɔʼ dzəŋŋə ndow n Yerosalem ghi Banabas. Mə n ney kɔʼ soʼo Taytus, ndow ghi wi.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.