Galeshia 2:8 - Kaa n Kəzə̀ n fəghə mə

⁸ Â loʼ Zə̀ kə mɔʼɔ kə, kə â fuunə mə n daʼa kə nə n fwaʼ tə a loʼ ngəd tə Yeso tə ghə̂ ghən ghə way ghə̂ a Təjuu, ighələ tə̀ tə â fu nə tə Pita nə doʼo tsəndəghə ə Yeso tə ghə̂ a Təjuu ghə.

Galeshia 2:8 ပူးပေါင်းရင်းမြစ်များ

Kəfwaʼ 1:25

nə̀ tə ney bùʼ kə Judas ni fwaʼ tə a loʼ ngəd, n təŋkey Judas n ndow n luʼu key kə kpiinə tə wi.”

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 21:19

Pɔl n tɔŋɔ zow tsu ghə, tiilə dza kɔʼ ndow ghəə ghey Zə̀ kə ghəŋŋənə n kow ghə̂ ghey ghə way ghə̂ a Təjuu ghə n bam i fwaʼ kə wi.

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Kəfwaʼ 4:4

À kee loʼ nə̀ ndəmə ghə̂ ghey ghə â zownə ghɔɔmə i ghə zə, n bəghəm fuu. Taŋ a ghə̂ ghey ghə â bəghəmnə tə Yeso n dzəŋi nyiə kɔʼɔ ndow təkam tətaa.

Kəfwaʼ 8:17

Sey, Pita ghi Jɔn n gaʼ ndow awɔɔ n tow u ghə, Zay kə Zow kə n daŋŋə nyi ndow n kow ghə.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 9:2

Abə ghə̂ a nuu a moʼlə kə nə̀ n way ngəd ə Yeso, n khənu nə̀ ghaa kee khənu nə̀ n loʼ ngəd ə Yeso, n təŋkey, nghee ghaa loʼnə nə kəfə kəmɔʼ ghi Klisto dii bənu nə̀ n loʼ ngəd.

Galeshia 3:5

N dza n bəb kpiʼi bə tə ghaa nə̀, Zay kə Zow kə kən Zə̀ kə â fuunə tə ghaa nsə faalə n mən tə fwaʼnə n fəŋŋə kə ghaa, â loʼ n təŋkey, ghaa naŋŋə ulaŋ nkee â loʼ n təŋkey ghaa â bəghəm tûm i dzuŋu zən ghaa â zownə ə?

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.