Galeshia 2:21 - Kaa n Kəzə̀ n fəghə mə

²¹ N way ni tuu maʼa ndzuŋ zən Zə̀ kə diinə tə mə, boʼnə abə wù mə loʼ ni doʼo tsətsəghə n sə K-a-zə̀, a dza tə naŋŋə kəlaŋ, zə i sey dii nə̀ Klisto â kpu nə kənunu!

Galeshia 2:21 ပူးပေါင်းရင်းမြစ်များ

Malakus 7:9

Yeso n dza tə̀ ghə nə̀, “Ghaa tɔʼ khə jii tə utɔb ni baʼ naŋa laŋ u Kəzə̀, sey nə̀ ghaa i loʼ ni tɔʼ kwu keeli ghəə ghə inaʼ a ghaa.

Roma 10:3

Nghee ghə â khə way jìi zey i ghəŋŋənə nə̀ ghə doʼo tsətsəghə sə K-a-zə̀, ghə n maŋ kəŋ tsu kə jii ghə ni dzûmə. Sey, ghə n ka dzûmə jìi zey Zə̀ kə â ghəŋənə nə̀ ghə̂ ghə i dzûmə ni doʼo tsətsəghə n sə kə wi.

Roma 11:6

Zə̀ kə sày ghə n ndzuŋ ə wi, à way dzə nə̀ à loʼ ghə i loʼ zə ghə ghəŋə tsunə, n təŋkey abə à mə loʼ bòʼ ghə i loʼ zə ghə ghəŋə tsunə, tə ndzuŋ ə Kəzə̀ ə tii mə way dzə ndzuŋ i loʼ zə.

Roma 4:25

Yeso wən Zə̀ kə â fuu tsəghə ndownə nə̀ ghə wey bòʼ ghəə a saa a bəbə ghə, Zə̀ kə n zhəm dzəŋŋə bə wi nə ivə ni ghəŋə nə̀ saa doʼo bə tsətsəghə n sə K-a-zə̀.

Roma 8:31

À loʼ ghə i ghaa zə saa loʼ ni kəm dza bòʼ ghəə zən ə? Abə Zə̀ kə taʼanə ghi saa, à loʼ ndee ni ballə ghi saa a?

1 Kɔrint 15:14

Abə a loʼnə nə̀ Zə̀ kə â ka zhəm dzəŋŋə Klisto nə ivə, i sey dii nə̀ tûm zən ghey naʼlənə tə̀ ghaa loʼ kənunu, zə a dii soʼo nə̀ bəghəm i fə̀ŋ i ghaa n kow Klisto maŋ loʼ kənunu.

1 Kɔrint 15:17

Sey, abə a loʼ isəŋə nə̀ Zə̀ kə â ka zhəm dzəŋŋə bə Klisto nə ivə, i sey dii nə̀ bəghəm i fə̀ŋ i ghaa n kow wi maŋ loʼ kənunu, dii tsuu nə̀ ghəə a ghaa a bəbə a nam loʼ n tow u ghaa.

1 Kɔrint 15:2

À loʼ tûm i dzuŋu zən zə i ghəŋŋənə nə̀ Zə̀ kə bəghəshi ghaa abə ghaa tɔʼ kwu keeli tsu dzənə ghɔɔmə i Kəzə̀ zən mə â naʼanə tə̀ ghaa. Nə̀ à way sey, i sey dii nə̀ ghəə zey ghaa â bəghəmnə tii, ghaa â maŋ bəghəm nə kənunu.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 2:18

Sey, abə n kəm kaʼ tsu ni bəghə dzəŋŋə laŋ wən mə â sàʼ maʼa nə̀, i sey dii nə̀ a bwùlə maʼa mə laŋ kə.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Hibru 7:11

Fɔɔngili tən tə â shinə n sali i kəbii i Levi, â loʼ ni luulə laŋ kən Zə̀ kə â fuunə tə̀ ghə̂ ghə Izree ghə. Abə fɔɔngili tən â fwaʼanə n jìi zey Zə̀ kə ləghənə, Zə̀ kə mə way dzə ni kəm ghəŋə nə̀ ndzoʼo fɔɔngili u nuu u bə tə̀ a loʼ Mekisedek. Mekisedek â way dzə fɔɔngili tə shinə n sali i kəbii i Erɔn.