Galeshia 2:20 - Kaa n Kəzə̀ n fəghə mə

²⁰ N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 2:20 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 4:3

Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 10:11

N loʼ wù baʼa u tənjì u dzuŋu wə. Wù baʼa u tənjì u dzuŋu u loʼ tə wey tə loʼ ni kpu n tow kə njì tə wi.

Tùm i dzuŋu zə kuum Yeso Klisto tə Jɔn â tɔɔnə 15:13

Ləghə i loʼ i way i tsəghəshinə ndzoʼo ləghə i zən, nə̀ wù bəghəm ni kpu n tow kə fə̂ a wi.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:35

Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi.

Tùm i dzuŋu zə kuum Yeso Klisto tə Jɔn â tɔɔnə 6:57

Bày wən tə tûmnə mə loʼ Bày wən tə fuunə muu zə. Nghee tə n muunə bòʼ muu zən tə fuunə tə̀ mə, à loʼ ighələ ghi wù wey tə fə̂nə wû wuŋ wə, tə i muulənə bòʼ muu zən mə i fuunə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:69

Ghey n bəghəm, ghey n zowkeeli soʼo nə̀ wə loʼ Wù Kəzə̀ u zow wə, Zə̀ kə tûm bənə.”

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

Roma 14:7

I loʼ sey n təŋkey, wù saa u loʼ u way dzə tə muunə n daʼa kə wi, u loʼ u way soʼo tə kpuunə n daʼa kə wi.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

Roma 4:25

Yeso wən Zə̀ kə â fuu tsəghə ndownə nə̀ ghə wey bòʼ ghəə a saa a bəbə ghə, Zə̀ kə n zhəm dzəŋŋə bə wi nə ivə ni ghəŋə nə̀ saa doʼo bə tsətsəghə n sə K-a-zə̀.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 5:6

Zə̀ kə â bɔɔmə tûm bə Klisto n nəŋə zey saa â ngəmsə khə way jii i loʼ zə ni bəghəshi wû i saa, nə̀ tə bə kpu n tow u ghə̂ a bəbə ghə.

Roma 5:8

Zə̀ kə n kee dii bə nə̀ tə ngii ləghə saa nghee tə̀ tə â tûm bənə Klisto nə̀ tə bə kpu n tow u saa nə̀ saa nam loʼ tsə ghə̂ a bəbə ghə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 6:8

Nghee i loʼ nə̀ saa mâ kpu dzəŋi ghi Klisto, saa khə bəghəm i fə̀ŋ nə̀ saa i muulə soʼonu ghi wi.

Roma 8:10

Abə à kee loʼ nə̀ Klisto loʼnu n kow wɔ, nghee à tsəm buʼ loʼ kə nə̀ gow uwû zə n kpu doʼo bòʼ bəb zə, Zay kə Zow kə fuunu wɔ n muu zə n təŋkey Zə̀ kə n ney nə̀ wə loʼ tsətsəghə.

Roma 8:37

Saa tsəmə təmə zəənu ghəə ghən adzəm n təŋkey à saa gaamə Klisto wən tə ləghənə saa.

1 Kɔrint 6:17

Wù wey tə kee təm dzəŋinə wû u wi wə ghi Mûkəbii, zay kə wi ghi kə Mûkəbii kə, loʼ kəfə kəmɔʼ.

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

2 Kɔrint 10:3

À loʼnu isəŋə nə̀ saa muu fa n mbi, à kee loʼ nə̀ saa təmə dzə way tsam nghee tə̀ ghə̂ a mbi a təmənə tii.

2 Kɔrint 11:10

Nghee tə̀ isəŋə i Klisto i loʼnə n fə̀ŋ zuŋ, wù loʼ way dzə n mbuʼu Akaya ni buu naŋa mə nə̀ kə n nə tsɔbənə fə̀ŋ.

2 Kɔrint 13:3

Nghee tə̀ ghaa ləghənə nə̀ n dii bə ghaa n tsə̀ə nə̀ à loʼ Klisto tə fuunə mə n daʼa kə nə̀ n ghɔɔmə ghəə ghən n ghɔɔmənə, mə i dii bənu. Klisto laʼa way daʼa kə ni teyyə naŋa bə ghaa, tə fədlə dii daʼa kə wi nghee tə fwaʼanə n fəŋŋə kə ghaa.

2 Kɔrint 13:5

Laalə tsu na wû i ghaa zə̀ ni koʼ nə̀ ghaa nam gaʼnu fə̀ŋ n kow Klisto ə? Ghaa koʼo keeli way nə̀ Klisto ndzəm loʼ n kow ghaa ə? À may kə nə̀ ghaa koʼ tsu nə̀ ghaa n bwu khə̂mə.

2 Kɔrint 5:14

À loʼ ləghə zey Klisto khənə n kow saa, i taalinə saa n təŋkey, ghey n zowkeeli nə̀ wù umɔʼ mâ kpu n tow kə ghə̂ adzəm, dii tsuu nə̀ ghə̂ adzəm mâ dzəŋi kpu ghi wi.

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

2 Kɔrint 5:7

Ghey muu n ghəə ghən ghey bəghəmnə, à way dzə n ghəə ghey ghey koʼonə.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 3:11

I sey dii tsu nə a way dzə kəlaŋ kə ghəŋŋənə wù doʼo tsətsəghə n sə K-a-zə̀, tə i tɔ̀ɔ doʼo n màʼlə K-a-zə̀ nə̀, “Wù wey tə loʼnə tsətsəghə n sə K-a-zə̀ n bam i bəghəm i fə̀ŋ, tə i keeli imuu.”

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Efesus 5:25

Abə ghaa gheynum ghən ghaa khənə ghey ghə, ghaa khə ni ləghə ghey a ghaa ghə, ighələ tə̀ Klisto â ləghənə ghə̂ a ndaw Kəzə̀ ghə a tii, tə n fuu ndow wû u wi ni kpu n tow u ghə.

Filipi 1:21

Tə̀ mə, abə n muunə n muu bòʼ Klisto, nə̀ n kpuunu, à sey baa loʼ ndzuŋ tə̀ mə.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

1 Tesalonika 5:10

Yeso â kpu n tow u saa sey nə̀ abə saa loʼ kə utaw nkee saa kpunə, saa i loʼ dzəŋi ghi wi abə tə̀ i bənə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 8:3

Nghee ghə â bəghə ghə n sày kɔʼ fɔɔngili u nii nii wə nə tə i fuu naamə kə, fəələ soʼo umaʼlə tə̀ Zə̀ kə n tow u ghə̂ adzəm, fɔɔngili saa u nii nii wən teeli khə ni khə soʼo fə kə ni fuu tə̀ Zə̀ kə.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 3:20

Mə wənə n teynə n fuʼ u ndaw, buʼu kəbaʼ. Wù wey tə zow dzə̀ zuŋ, chi tsu kəbaʼ, mə i tsəghə nyi bə zə ghi wi, tə i zə soʼo ghi mə.