Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galeshia 2:2 - Kaa n Kəzə̀ n fəghə mə

2 Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

အခန်းကိုကြည့်ပါ။ ကော်ပီ




Galeshia 2:2
26 ပူးပေါင်းရင်းမြစ်များ  

Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀.


Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.


Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.


Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.


N tsuʼ fə loʼ fə n tsuʼu tə, Mûkəbii n bə dii may bə tə̀ Pɔl nə ujim, dza tə wi nə̀, “Ka fə kə loʼ kə tsəŋ dzə, ndow kə n sə kə ni ghɔɔmə ghəə ghə, kə wə nə tsəŋə doʼlənə mɔŋ.


N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”


Wù Falasi u loʼ wə ghə â tɔŋŋə nə̀ aloʼ Gamaliel â loʼ fu. Tə a loʼ soʼo wù dii u kəlaŋ u nii wə, ghə̂ adzəm ghə n ngɔɔmmə wi. Tə n təmi kɔʼ, dza ndow tə ngəd tə Yeso tey nə̀ ghə khəə təmi shi ndow a bii.


I loʼ nə̀, abə Zə̀ kə sàynə wù, tə sày dzə way wù a dza à ləghə kɔʼ wù tii nkee wù tii ghəŋə tsu ghə i loʼ zə, à fədlə tsəmə kɔʼɔ Kəzə̀ ni dìi sî i wi i kwɔɔlə zə.


A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.


Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.


Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.


A wey loʼ ghə i tii zə n nyəŋənə ni zə̂. N way dzə tə̀ a loʼ wù təngɔʼ wey tə maŋa sayyənə ngɔʼ tə n luʼu tə zum tə.


N khə ni tsəm ndow kə n sə kə ni tsɔbə fə̀ŋ. Abə i loʼ kə nə̀ i khə way gaamə i loʼ zə, n dza n dza bə ghaa n ghəə ghey Mûkəbii diinə tə̀ mə̀ nə ujim nsə ghəə a nyiə doʼo ghey tə chi diinə tə̀ mə.


À way dzə wù sɔŋtsuʼ tə â fu nə tûm zən tə mə, a way soʼo wù sɔŋtsuʼ tə zoʼlənə mə tii. À loʼ Yeso Klisto, tə chi dii bənə ghəə ghən tə mə.


tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,


I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.


Ghə̂ ghey ghə â loʼ tə a loʼ təngəd fu, ka tsəm kuu kpiʼi ghəə i loʼ zə n tûm zuŋ. N ghəə ghən maŋ dzanu, bùʼ key ghə khənə ghii kə, khə way ghə i loʼ zə ni ghəŋə ghi mə, n təŋkey, Zə̀ kə saʼa dzə way wù nə tə laalə ndow tûm usə u wi.


Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.


Ghaa â mgbaŋa bwey dzɔbənu n muu i ghaa ghi Klisto. À ghaa â kəm kwu naŋa ndee nə̀ ghaa ka təmi tən kə nə isəŋə zən ghaa â bəghəm nə ə?


Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.


Abə tə i bənə, kpii ney na wi nə iduʼlə tə̀ a loʼ waa Kəzə̀. Ghaa khə ni ngɔɔmə ndzoʼo ghə̂ ghey.


À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.


Mə n təm zə̂ ngəd kuŋ kə, mə u nyəŋ ndow kuum n luʼu key ghə ndow kuumnə tii nə n ka bwu n bəghəm i fə̀ŋ zuŋ.


Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ