Galeshia 2:17 - Kaa n Kəzə̀ n fəghə mə

¹⁷ Abə saa bəghəm nə tə Klisto, n təŋkey, saa ləghə ni doʼo tsətsəghə n sə K-a-zə̀, i kəm bə shi kɔʼ nə̀ saa n bwù laŋ kə. A loʼnu ni dza nə̀ Klisto gaamə nə̀ saa i ghəŋŋə ghəə a bəbə ghə ə? Ngaŋ a way ni dza koʼ sey!

Galeshia 2:17 ပူးပေါင်းရင်းမြစ်များ

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Roma 11:7

Saa loʼ ni kəm dza tsu nə̀ ngee nya a? Ghə̂ ghə Izree ghə â ka keeli dzə fə key ghə â kəŋənə, â lo kə sə fə aghə̂ fən Zə̀ kə â sày naŋanə. Zə̀ kə n kee ghəŋə nə̀ ghə̂ a loʼ ghey tawwə naŋa kɔʼ fə̀ŋ tə ghə nə̀ ghə i zow way ghəə zey tə dzanə tə ghə.

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Roma 3:4

Ngaŋ! Abə aghə̂ adzəm fa n mbi tsəm loʼ kə ghə̂ a badla ghə aghəə ghə, Zə̀ kə kee dza tsə kə isəŋə nəŋə tədzəm. I loʼ tə i tɔ̀ɔ doʼo n màʼlə K-a-zə̀ nə̀, “Zə̀ kə, aghə̂ adzəm a khə ni keeli nə̀ wə naŋŋənu ghɔɔmə zə zə̀, Nə̀ ghə kwu kə wɔ n ghə i ghaa zə, wə i saʼa zəənu.”

Roma 3:6

Ngaŋ! Abə à mə way nə̀ Zə̀ kə ndzəm loʼ tsətsəghə, tə̀ tə mə saʼa ngee mbi ə?

Galeshia 2:11

Ambə Pita bənə n naʼ i Antyɔk mə n tuu maʼa tən ndow tə wi n mgbaŋ nə̀ ghəə ghey tə ghəŋŋə nə̀, a kpiilə way.

Galeshia 2:15

Mə n ndow n sə kə ni dza nə̀, ghə ji saa a loʼ ghə tə a loʼ ghə̂ a Təjuu, dii tsu nə saa khə way bəb i loʼ zə n kow saa, saa u ney naŋa tsu nə ghə̂ ghey ghə way ghə̂ a Təjuu ghə nə a loʼ ghə̂ a bəbə ghə.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Hibru 8:2

Tə fwaʼa tə a loʼ fɔɔngili u nii nii wə n luʼu kən kə zow tsəghəshinə luʼu tə tədzəm. Luʼu kə tii kə, à ndzəm loʼ fəfəə à bəghənə Mûkəbii, à way dzə wù sɔŋtsuʼ tə bəghənə.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.