Galeshia 2:16 - Kaa n Kəzə̀ n fəghə mə

¹⁶ Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 2:16 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

Roma 3:30

Zə̀ kə loʼ kə kəmɔʼ, à loʼ wi tə ghəŋŋənə nə̀ ghə̂ ghən ghə loʼnə ghə̂ a Təjuu ghə, ghə doʼo tsətsəghə n sə kə wi n bam i bəghəm i fə̀ŋ zey ghə khənə n kow Yeso, ghəŋŋə soʼo nə̀ ghə̂ ghən ghə way ghə̂ a Təjuu a doʼo tsətsəghə n sə kə wi n bam i bəghəm i fə̀ŋ i mɔʼɔ zə.

Roma 4:2

Abə à mə loʼ nə̀ Abraham â doʼo tsətsəghə sə K-a-zə̀ bòʼ ghə i dzuŋu i loʼ zə tə â ghəŋənə, tə mə loʼ ni tsɔbə fə̀ŋ tii, tə mə kee khə way ghə i loʼ zə ni tsɔb fə̀ŋ tii n sə K-a-zə̀.

Roma 4:24

Ghə â tɔ̀ɔ soʼo tə saa, ghən Zə̀ kə nə neynə saa nə̀ saa loʼ tsətsəghə n təŋkey saa bəghəm tə̀ wù wey tə â zhəm nuu dzəŋŋə bənə Mûkəbii saa Yeso nə ivə.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Galeshia 4:5

Zə̀ kə â tûm bə wi nə tə bə kùmshi ghə̂ ghən ghə â loʼnə n tənnə kəlaŋ, ni ghəŋə nə̀ saa doʼo bə waa a Kəzə̀.

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.

Chi dii 7:9

Ambə jim wən i tsəghə tsunə, mə n koʼ ndow n sə̂ kuŋ nɔɔ kə aghə̂ kən wù way ni taŋ ghə shinə n sali ndaw tədzəm, naʼa tədzəm, nə təluʼu tədzəm nsə n ghɔɔmə tə naʼa tə tətûm tədzəm. Ghə n tey n sə kə kuu kə fɔɔ key nsə Waa Nji zey nə̀ ghə n dzəŋə keeli ndzə̂ tə fəmə tə nə uwû, khə soʼo utsəghə nə awɔɔ.