Galeshia 2:15 - Kaa n Kəzə̀ n fəghə mə

¹⁵ Mə n ndow n sə kə ni dza nə̀, ghə ji saa a loʼ ghə tə a loʼ ghə̂ a Təjuu, dii tsu nə saa khə way bəb i loʼ zə n kow saa, saa u ney naŋa tsu nə ghə̂ ghey ghə way ghə̂ a Təjuu ghə nə a loʼ ghə̂ a bəbə ghə.

Galeshia 2:15 ပူးပေါင်းရင်းမြစ်များ

Matyo 9:11

Ambə ghə̂ a tə Falasi à koʼnə ghəə ghən, ghə n bəb tə̀ ngəd tə Yeso tə nə̀, “Mûkəbii ə ghaa zə̂ə dzəŋi ghî ghə̂ a kwɔɔ a màʼlə kə tsow kə, nsə ghə̂ ghey ghə dzum nuunə ghə nə̀ à loʼ kee?”

Lukas 24:7

Tə â dza nə̀ ‘Ghə khə ni teeli fu ndòw Waa wù sɔŋtsuʼ n wɔɔ kə ghə̂ a bəbə ghə, ghə i baa wi n zat kə fəkaʼ, nə ntsuʼu ntəghə tə i kəm zhim dzəŋi bə.’”

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Roma 3:9

Saa loʼ ni dza tsu nə ngee nya a? Saa moʼlə nə̀ saa ghə̂ a Təjuu, saa loʼnu tsətsəghə n sə K-a-zə̀ tsəghəshi ghə̂ ghey ghə way ghə̂ a Təjuu ə? Ngaŋ! Mə n khə dii nə̀ saa ghə̂ a Təjuu nsə ghə̂ ghey ghə way ghə̂ a Təjuu ghə, saa dzəŋi khə təmoʼlə ni ghəŋŋə ghəə a bəbə ghə nəŋə tədzəm.

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

Galeshia 2:17

Abə saa bəghəm nə tə Klisto, n təŋkey, saa ləghə ni doʼo tsətsəghə n sə K-a-zə̀, i kəm bə shi kɔʼ nə̀ saa n bwù laŋ kə. A loʼnu ni dza nə̀ Klisto gaamə nə̀ saa i ghəŋŋə ghəə a bəbə ghə ə? Ngaŋ a way ni dza koʼ sey!

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Filipi 3:4

Mə tsəm loʼnu ni gaʼ fə̀ŋ zuŋ n fə u mbi. Abə ghə̂ a loʼ a dzanə nə̀ ghə gaʼ fə̀ŋ n fwaʼ kə ghə, n loʼ ni dza nə̀ wû wuŋ, n gaʼ fə̀ŋ tii tsəghəshi ghə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.