Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galeshia 2:14 - Kaa n Kəzə̀ n fəghə mə

14 Ambə n koʼ tsunə nə̀ ghə kəm bwey way nə isəŋə zən tûm i dzuŋu i dii nə̀, mə n dza ndow tə Pita n sə kə ghə̂ ghey fu adzəm nə “Wə mgbaŋ loʼ wù Juu, wə u muu nə tə alo wù wən tə way wù Juu. Wə kəm loʼ n ngee ni tənnə ghə̂ ghən ghə way ghə̂ a Təjuu ghə nə̀ ghə i dzûmə ghəə ghə inaʼ a Təjuu ghə ə?”

အခန်းကိုကြည့်ပါ။ ကော်ပီ




Galeshia 2:14
30 ပူးပေါင်းရင်းမြစ်များ  

Tə n dza tə ghə nə̀, “Ghaa tɔʼ khənu nə̀ laŋ kə ghey kə ka bəghəm dzə nə̀ wù Juu təmdzəŋi ghi wù wən tə way wù Juu, nkee ni bwey koʼ wi. Zə̀ kə n kee dii bə tə mə nə̀ kə n nə neynə wù loʼ tə a loʼ wù wey tə dzəənə nkee tə a loʼ wù wey wù Juu way ni təmdzəŋi ghi wi.


Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”


Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.


Dzûmə tə loʼ tə, tə â loʼ soʼonə ghə̂ a tə Falasi ghə, n nuu təmi kɔʼ dza nə̀, “Ghə khə ni teeli səghə tyi u ghə̂ ghən ghə way ghə̂ a Təjuu, ghə khə ni teeli naŋŋə soʼo laŋ u Mushi wə.”


Nghee n loʼnə nə kəfə kəmɔʼ ghi Mûkəbii Yeso, n ndzəm khənu nə̀ fəzəə u loʼ u way, u loʼ ni ghəŋə nə̀ wù i bəbə n sə K-a-zə̀. Abə wù loʼ kee moʼlənə nə̀ fəzəə u loʼ u loʼnu u ghəŋŋənə nə̀ wù i bəbə n sə K-a-zə̀, kə tə nə zə̂ənə fəzəə u tii wə n təŋkey abə tə zə̂nə fəzəə u tii wə, tə n sey ghəŋə bəəbə n fə̀ŋ ə wi.


Ambə num tə tsəghə tsu tətəghə, mə n kɔʼ ndow n Yerosalem ni ndow koʼ Pita, doʼo tsu fu ghi wi nə ntsuʼ ighəm nsə tsuʼu mə ntaa.


I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.


Ghə â ka kee təmi kɔʼ dzə nə ghə teeli khə ni səghə tyi kə Taytus wən tə â loʼ nə ghi mə loʼ sey nə̀ tə way wù Juu.


Ghey â ka tsəm bəghəm dzə ghəə ghey ghə â dza bə nə̀, ni ghəŋə nə̀ ighəə imɔʼ i ka nay dzə nə isəŋə zən i loʼ nə n tûm i dzuŋu zən ghey naʼlə tə ghaa.


Ghə n fəd koʼ keeli bə nə Zə̀ kə n sày mə nə n naʼa tûm i dzuŋu zə tə ghə̂ ghən ghə way ghə̂ a Təjuu ghə, ighələ tə̀ tə sàynə Pita nə tə naʼa tûm i dzuŋu zə tə ghə̂ a Təjuu ghə.


Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.


Ghə̂ ghey ghə dza nə̀ ghaa səghə tyi u ghaa, loʼ ghə̂ ghey ghə ləghə kə ni dii uwû nə ghə tɔʼɔ fwaʼa fwaʼ K-a-zə̀. Zuŋ kə ighəə key ghə ghəŋŋənə ghəə ghən loʼ nə̀, ghə tsəŋə nə̀ kə ghə̂ a nə chɔdlɔnə ghə, nə ghə naʼlə tûm nə Klisto â kpu n zat kə fəkaʼ ni bəghəshi aghə̂.


Bəghəm i fə̀ŋ zən nsə ləghə zən ghaa khənə loʼ n təŋkey ghaa ləmmə tənə ni keeli naamə kən Zə̀ kə naŋanə tə ghaa n fɔ̀ɔ wə idəŋ wə. Ghaa â keeli ndzoʼo moʼlə zən n nəŋə zey ghaa â bəghəmnə tûm i dzuŋu zən kuum Yeso Klisto i loʼnə isəŋə.


A kee bə ngəd tey tə mgbaʼi ghəŋŋə kuulə kə ghəə a bəbə ghə, wə khə ni kpaa ndow ghə n sə kə aghə̂ adzəm, sey nə̀, ghə̂ a loʼ ghey loʼ ni tyi tsəŋ.


Ghaa ghəŋə nə̀ jìi zey ghaa bweynə tii i loʼ tsətsəghə, sey nə̀, ghə̂ ghey ghə bəghənə n baa ghaa, nghee ghə buʼ loʼ kə nə̀ ghə ngɔdlɔ bweynu, ghə i way ni nii bwu, ghə i fədlə taw dzɔbə.


Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ