Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galeshia 1:7 - Kaa n Kəzə̀ n fəghə mə

7 Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

အခန်းကိုကြည့်ပါ။ ကော်ပီ




Galeshia 1:7
38 ပူးပေါင်းရင်းမြစ်များ  

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.


“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.


Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.


Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.


N dza sey n təŋkey, ndzoʼo ghə̂ ghən loʼ ngəd tə tsɔŋɔ tə, ghə badla aghəə n fwaʼ kə ghə, nəbə sə̂ aghə̂ nə̀ ghə loʼ ngəd tə Klisto tə səŋi tə.


Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.


Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.


I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.


Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.


Ghə̂ a loʼ ghey ghə ləghə ni kwey tûm i dzuŋu zə khə kənu zày n kow ghaa, a kee loʼ nə̀ ghə khə moʼlə tə bəbə tə. Ghə ghəŋŋə sey ni khə̀mə nu fə̀ŋ tə ghaa, nə̀ ghaa ka zow tə mə, ghaa i zow bə kə tə ghə.


Fə̀ŋ baŋa dzə way mə n kow ghaa, n təŋkey, n khənu nə nghee tə ghaa loʼ dzənə nə kəfə kəmɔʼ ghi Mûkəbii, ghaa kəm way ni ney dzuu i nuu zə, tsəghəshiə way i zən n fuunə tə ghaa. Sey, keeli tsu na nə̀ Zə̀ kə i chɔdlɔ wù wey tə ləghənə ni fwɔd maʼa ghaa abə a loʼ kə ndee.


Abə a mə loʼ kə tə mə, ghə̂ ghən ghə fəmmənə ghaa nə̀ ghaa səghə tyi u ghaa tə laŋ kə dii nə̀, ghə mə ndow n sə kə ni kee kâa tsu wû i ghə.


Ni ney nuu tsu nya, ndow n sə kə, i kə wù nə kəm fəmmə, bòʼ nə̀, tɔ̀ɔ tən n kow mə tə dii may bə nə̀ n loʼ kɔd kə Yeso.


Ghə̂ ghən dii ghəə ghey a way isəŋə. Ghə dii nə̀ ghə̂ a mâ nə kpu, zhəm dzəŋŋə tsəghə nə ivə. Laʼlə kə ighɔɔmə kə ghə kə tii kə fwɔdlɔ maʼa ghə̂ a loʼ ghey ghə bəghəmnə tə Klisto.


N ghəə ghən sa tɔ̀ɔ bə tə ghaa kuum ghə̂ ghən ghə dəmənə ni sii ndzəŋ ghaa.


Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.


Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.


Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.


N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.


Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.


Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.


Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.


n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.


À kee loʼ nə̀ ghə i loʼ i loʼnu ghaa ghəŋŋənə nə̀ n ləghə way. Ghə i tii i loʼ nə̀, ghaa ka buu naŋa weyzən wən ghə tɔŋŋə nə̀ à loʼ Jezebel, weyzən wən tə tɔŋŋə wû u wi wə nə tə loʼ wù tûm Kəzə̀, nə̀ ghəə ghey tə diinə sìi ndzəŋŋə ghə̂ a kəfwaʼ ghuŋ nə̀ ghə i ghəŋŋə ghəə a laŋŋə ghə, ghəŋŋə soʼo nə̀ ghə i zəə fəzəə wən u loʼ nə̀ ghə n fəələ tə a loʼ umaʼlə tə̀ muʼu mə.


Wə kee khənu ghə i dzuŋu i loʼ zə wə ghəŋŋənə. Wə baa ghəə ghey dzûmə tə Nikolus tə ghəŋŋənə, ighələ tə n baa soʼonə.


Tsəndəghə Kəzə̀ zey n ney maʼa nyi tsu ndow wi n fɔŋŋə k-a-bùʼ key kə kuʼu way fii naŋa kɔʼ dzuu i tii zə, nɔmi naŋa tən tsu soʼo, sey nə̀, kə tə nə kəm sìi ndəŋŋənə naʼa tə ni ndow kuum n nəŋə zey num tən kam i tsəghə tsunə. Abə num tə i tsəghə tsunə kam, ghə i teeli zìi zəghə tsu wi n kəmə fə inəŋə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ