Galeshia 1:6 - Kaa n Kəzə̀ n fəghə mə

⁶ I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.

Galeshia 1:6 ပူးပေါင်းရင်းမြစ်များ

Malakus 6:6

Ghə i tii zə n tsəghəshi wi, n təŋkey, ghə̂ ghə inaʼ a wi ghə â khə way bəghəm i fə̀ŋ zə. Yeso n nuu tsu fu, bwey ndow naʼa tə naʼa, dii ndow aghə̂ n ghəə ghə.

Tùm i dzuŋu zə kuum Yeso Klisto tə Jɔn â tɔɔnə 9:30

Wù wey n dza tə̀ ghə nə̀, “À wən ndzəm loʼ tsəghəshi kə ighəə! Ghaa dza nə̀ ghaa khə way luʼu key tə nuu bənə tii, tə u kee chinə sə̂ ghuŋ ghə nə̀ mə i koʼo luʼu tə.

Kəfwaʼ 15:11

Saa mgbaŋ khənu nə̀ à loʼ ndzuŋ ə Mûkəbii Yeso i ghəŋŋə nə̀ saa keeli ibəghəshi ighələ tə ghə̂ ghən ghə way ghə̂ a Təjuu a keelinə bəghəshi zə.”

Roma 10:3

Nghee ghə â khə way jìi zey i ghəŋŋənə nə̀ ghə doʼo tsətsəghə sə K-a-zə̀, ghə n maŋ kəŋ tsu kə jii ghə ni dzûmə. Sey, ghə n ka dzûmə jìi zey Zə̀ kə â ghəŋənə nə̀ ghə̂ ghə i dzûmə ni doʼo tsətsəghə n sə kə wi.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

Galeshia 1:11

Waazə ghə, n ləghə nə̀ ghaa keeli tsu nə̀, tûm i dzuŋu zən n naʼlənə ka nuu bə dzə n wɔ wù sɔŋtsuʼ.

Galeshia 1:15

À kee loʼ nə, Zə̀ kə mâ sày naŋa mə nə ghə ka mə kam ji, tɔŋɔ mə n bam i ndzuŋ ə wi nə̀ n doʼo wù kəfwaʼ a wi. Ambə nəŋə i wi i kpi tsunə,

Galeshia 1:7

Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

Galeshia 2:14

Ambə n koʼ tsunə nə̀ ghə kəm bwey way nə isəŋə zən tûm i dzuŋu i dii nə̀, mə n dza ndow tə Pita n sə kə ghə̂ ghey fu adzəm nə “Wə mgbaŋ loʼ wù Juu, wə u muu nə tə alo wù wən tə way wù Juu. Wə kəm loʼ n ngee ni tənnə ghə̂ ghən ghə way ghə̂ a Təjuu ghə nə̀ ghə i dzûmə ghəə ghə inaʼ a Təjuu ghə ə?”

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 2:5

Ghey â ka tsəm bəghəm dzə ghəə ghey ghə â dza bə nə̀, ni ghəŋə nə̀ ighəə imɔʼ i ka nay dzə nə isəŋə zən i loʼ nə n tûm i dzuŋu zən ghey naʼlə tə ghaa.

Galeshia 2:7

Ghə n fəd koʼ keeli bə nə Zə̀ kə n sày mə nə n naʼa tûm i dzuŋu zə tə ghə̂ ghən ghə way ghə̂ a Təjuu ghə, ighələ tə̀ tə sàynə Pita nə tə naʼa tûm i dzuŋu zə tə ghə̂ a Təjuu ghə.

Galeshia 5:14

Keeli tsu na nə̀ laŋ u Kəzə̀ udzəm u bəghə doʼo n laŋ kə kən kəmɔʼ, laŋ kə tii kə loʼ nə, “Wə khə ni ləghə wù wey n səə wɔ tə wə ləghənə wû wə wə̀.”

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

1 Pita 1:15

Nghee i kee loʼ nə̀ wù wey tə tɔŋɔnə ghaa zownu, ghaa khə ni zow soʼo tə a loʼ wi n ghəə a ghaa a ghəŋŋə ghə adzəm

2 Pita 1:3

Zə̀ kə n fuu saa n fə wən udzəm saa khə ni keeli n daʼa key tə khənə ni muu muu zey Zə̀ kə ləghənə. Tə fuu saa n fə u tii wə n təŋkey saa khənu wi. À tɔŋɔ soʼo wi saa nə̀ saa keeli soʼo kɔʼlə mey tə khənə, saa i zow soʼo kədzuŋ tə a loʼ wi.

Chi dii 22:21

N gɔŋŋə nə̀, Mûkəbii Yeso dii fə̀ŋ ə wi i dzuŋu zə tə̀ ghə̂ a Kəzə̀ ghə adzəm.