Galeshia 1:5 - Kaa n Kəzə̀ n fəghə mə

⁵ Kɔʼləmə i loʼ tə Zə̀ kə nəŋə tədzəm! Zə i loʼ sey.

Galeshia 1:5 ပူးပေါင်းရင်းမြစ်များ

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

1 Kɔrint 8:13

Sey abə i loʼnə nə̀ fəzəə wən n zə̂ənə, ghəŋŋə nə̀ dzûmə Klisto u loʼ u bwu n ghəə a bəbə ghə, mə i kəm fə koʼ tsə way nyam tə̀ mbi nə bə may, sey nə̀ kə̂ n nə̂ ghəŋŋə nə̀ dzûmə Klisto u loʼ u nyi n ghəə a bəbə ghə.

Efesus 1:12

Tə ghəə ghən ghəŋə sey nə̀, saa ghən saa loʼnə ghə̂ a sə̂ isə ghə ni gaʼ fə̀ŋ n kow Klisto, saa i muu ni fuu nkɔʼlə tə wi kuum ghaʼ i wi.

Filipi 4:20

Saa fuu nkɔʼlə tə̀ Zə̀ kə tə loʼ Bày saa idəŋ nəŋə tədzəm tə̀ mbi nə bə may. Isəŋə!

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

2 Timoti 4:18

Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

1 Pita 5:11

À loʼ wi tə khənə daʼa wə udzəm nəŋə tədzəm. Zə i loʼ sey.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.

Chi dii 14:7

Tə n dza n dzə̀ i taw zə nə̀, “Ngɔɔmə na Zə̀ kə, ghaa fuu soʼo nkɔʼlə tə wi, n təŋkey, nəŋə zey tə khə ni saʼ aghə̂ tii n kpi. Ghaa ngɔɔmə wù wən tə â bɔm bikighow kə, ghəlikətsə, nali kə dzuu nsə tɔŋ n tədzuu mən mmuu n bənə shiənə tii.”

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”

Chi dii 7:12

Ghə n dza, “Zə i loʼ kə sey. Ukali nsə kɔʼlə mə, utɔb, nsə zɔŋŋə kə fuu kə, nsə ngɔɔmə zə, kədaʼa nsə taw zə a khə Zə̀ kə ghey tə̀ mbi nə bə may. Zə i loʼ sey!”