Galeshia 1:21 - Kaa n Kəzə̀ n fəghə mə

²¹ Ambə n nuu tsunə fu, mə n nuu ndow n Sirya nsə n Silishya.

Galeshia 1:21 ပူးပေါင်းရင်းမြစ်များ

Matyo 4:24

Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 21:3

Ambə ghey bə taa tsunə n luʼu key a koʼ ndow naʼ i Sayprus, ghey n baʼ naŋa ndow naʼ i tii zə n kpii kə kwɔɔ kə, nuu ndow n Sirya, taa shi ndow n Tayra n təŋkey â loʼ fu fən key a khə ni siʼi shiəllə fə wey kə â boʼo keelinə.

Kəfwaʼ 21:39

Pɔl n beeli ndow wi nə̀, “N loʼ wù Juu. Ghə ji n Tasus n mboʼ ə Silishya. N shi n naʼ i nii zə. N buʼ fu wɔ n wɔɔ kə, zəghə mə tə n ghɔɔmə ndow tə ghə̂ ghən.”

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 23:34

Ambə gɔvənɔ tɔŋɔ kɔʼ màʼlə kə tii kə, tə n bəb tə Pɔl nə tə shi n mboʼ i ghaa zə. Pɔl n beeli ndow nə̀ i shi n mboʼo Silishya.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 9:30

Ambə dzûmə tə Klisto tə zow tsu ghəə ghən, ghə n ney ndow Sɔl n Kayserya, tûm nuu ndow wi n Tasus.