Galeshia 1:12 - Kaa n Kəzə̀ n fəghə mə

¹² À way dzə wù sɔŋtsuʼ tə â fu nə tûm zən tə mə, a way soʼo wù sɔŋtsuʼ tə zoʼlənə mə tii. À loʼ Yeso Klisto, tə chi dii bənə ghəə ghən tə mə.

Galeshia 1:12 ပူးပေါင်းရင်းမြစ်များ

1 Kɔrint 11:23

N dza i dza bə tə̀ ghaa nə̀, ghəə ghən n dza bənə tə̀ ghaa, à loʼ ghəə ghey Mûkəbii â dza bənə tə̀ mə n wû u wi wə. I loʼ nə̀, n tsuʼ fey ghə â fìi fuunə Mûkəbii Yeso tii, n tsuʼu tə tii tə, Yeso n ney kɔʼ boʼo fə baa,

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

2 Kɔrint 12:1

N khə ni tsəm ndow kə n sə kə ni tsɔbə fə̀ŋ. Abə i loʼ kə nə̀ i khə way gaamə i loʼ zə, n dza n dza bə ghaa n ghəə ghey Mûkəbii diinə tə̀ mə̀ nə ujim nsə ghəə a nyiə doʼo ghey tə chi diinə tə̀ mə.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Galeshia 1:16

tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Efesus 3:3

Zə̀ kə a chi dii ghəə a wi ghey tə â nyì naŋanə tə̀ mə, tə̀ n nyaʼi tɔ̀ɔ tsəələ tsunə fa.

1 Tesalonika 4:15

Ghəə a ghən ghey dii bənə tə ghaa nyisa ndzəm loʼ ghɔɔmə i Mûkəbii. I loʼ nə, saa ghən saa i loʼnə utaw n tsuʼ fey Mûkəbii i bəghənə, saa i nuu dzə way isə̂ tə ghə̂ ghey ghə kpuu dzənə.