Galeshia 1:10 - Kaa n Kəzə̀ n fəghə mə

¹⁰ Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Galeshia 1:10 ပူးပေါင်းရင်းမြစ်များ

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Matyo 28:14

Abə ghəə a tii a ndòw nyinə n tuŋŋə kə Pilato, ghey i ghɔɔmə tsu ghi wi, ghey dza ndòw tə wi nə̀ wɔɔ a ghaa a zownu, sey ghaa i ka nyi dzə nə uchɔd.”

Matyo 6:24

“Wù kəfwaʼ way ni keeli dzə ghə mûkəbii abəghə nəŋə imɔʼ. Abə tə ghəŋənə sey, tə i ləghə umɔʼ, bàa u loʼ wey, nkee tə i ngii ngɔɔmə umɔʼ, koʼo kìi u loʼ wey. A loʼ soʼo ighələ nə̀, wù way ni ləghə Zə̀ kə, tə i ləghə soʼo khəə wə.”

Kəfwaʼ 12:20

Herɔd â ngii fəələ unəghə n kow ghə̂ a Tayra ghə nsə ghə̂ a Sidɔn ghə. Ghə̂ a Tayra nsə ghə̂ a Sidɔn ghə n təmdzəŋi kɔʼ ni ndow koʼ wi. Ghə n bùʼ koʼ tsu dzə wù wey tə a laalənə tɔʼ ə Herɔd, ghə â tɔŋŋənə wi nə̀ à loʼ Blastus, nə̀ tə gaamə ghə, ghə koʼ ndow Herɔd. Ghə n ndow koʼ ndow Herɔd, buʼ wi wɔɔ kə nə ghə i dzəŋi muu nə ibuulə, n təŋkey, naʼ i ghə zə â keeli ufəzəə nə u nuu bə n naʼ i Herɔd.

Kəfwaʼ 5:29

Pita nsə ngəd tə Yeso tə loʼ tey n beeli ndow ghə nə̀, “Ghey teeli zow kə tə̀ Zə̀ kə, à way dzə tə̀ wù sɔŋtsuʼ!

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

Efesus 6:6

Kə ghaa nə̂ fwaʼa kənə n nəŋə zey wù tii laalə bənə ghaa. Ghaa i fədlə fwaʼa ndow tə̀ a loʼ ghə̂ a kəfwaʼ a Klisto, ghəŋŋə ndow ghəə zey Zə̀ kə ləghənə n fə̀ŋ tə dzuŋu tə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Kolose 3:22

Ghaa ghə̂ a kəfwaʼ ghə, i zow na tə ghə mûkəbii a ghaa ghə fa n mbi nə aghəə adzəm. I fwaʼa na n jìi zey ghə ləghənə nəŋə tədzəm, a way kə n nəŋə zey ghə tɔʼɔ laalə bənə ghaa. Ghaa khə ni fwaʼa tə ghə n fə̀ŋ tə ghaa tə tədzəm bòʼ ngɔɔmə zən ghaa khənə n kow Mûkəbii Yeso.

1 Tesalonika 2:4

Ghey ghɔɔmə tə ghaa tə̀ a loʼ ghə̂ ghey ghə kɔʼ kpiinə tə̀ Zə̀ kə ni fuu naŋa tûm wi i dzuŋu zə n wɔɔ kə ghə. Ghey ghɔɔmə dzə way nə̀ ghə̂ ghə i duʼlə ghi ghey. Ghey ghɔɔmə nə̀ Zə̀ kə i duʼlə ghi ghey n tənkey à loʼ wi tə saʼanə fə̀ŋ tə ghey tə.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Jɔn 3:9

Ghə̂ ghən ghə loʼnə waa a Kəzə̀ ghə, kəm way ni ghəŋŋə ghəə a bəbə ghə bòʼ nə̀ mwam u Kəzə̀ a loʼ n kow ghə, nsə təŋkey, Zə̀ kə loʼ Bày ghə, sey, ghə kəm way ni tsəghə ndow n sə kə ni ghəŋŋə ghəə a bəbə ghə.