Filipi 2:14 - Kaa n Kəzə̀ n fəghə mə

¹⁴ I fwaʼa ndow na ghəə ghə adzəm nə̀ ghaa nyuŋŋə ghɔɔmə way, zuulə soʼo way tii.

Filipi 2:14 ပူးပေါင်းရင်းမြစ်များ

Matyo 20:11

Ambə ghə ney kɔʼ khə̀ə u ghə wə, ghə n kaʼ ndòw ni sənnə ghɔɔmə bòʼ muu usum wey, dza nə̀,

Malakus 14:5

Ghə mə loʼ ni ney mbvə mən ghə fìi n ndəmə ukhəə, ghə ney khəə u tii wə ghə fuu ndòw tə̀ ghə̂ a laa ghə.” Sey, ghə n kii ndòw weyzən wey n dzə tə taw tə.

Malakus 9:14

Ambə ghə dzəŋŋə tsu bənə nə ukaʼ, ghə n bə koʼ bə ngəd tə̀ loʼ tey, nə nɔɔ kə aghə̂ kə n dzəŋ tsəghə kɔʼ ghə nsə ghə̂ a dii a kəlaŋ a loʼ ghə, ghə ghɔɔmə ballənə.

Lukas 5:30

Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?”

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 15:39

Ghə n nûmə zuu tsu fu n wû i ghə, saʼ sàli nuu i tsu. Banabas n ney kɔʼ Jɔn Mak nyi kɔʼ nə kəfən, nuu daŋ ndow n Sayprus.

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Roma 12:18

Ndəmi tsu na wû zə ni koʼ nə̀ abə jii loʼnə, ghaa i muu nə ibuulə ghi ghə̂ ghə adzəm.

Roma 14:1

Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 10:10

Kə̂ ghaa nə̂ sənnə ghɔɔmənə Zə̀ kə. Ghə̂ a ghə a loʼ ghə â sənnə ghɔɔmə sey, tsəndəghə ə Kəzə̀ zey i ləŋi maʼanə ghə̂ ghə n bə wey maʼa tsu ghə.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Galeshia 5:26

Kə saa nə kɔʼlənə wû zə, kə saa nə kɔʼlənə wû i saa zə, kə saa nə ghoʼo soʼo nə wû i saa zə.

Filipi 2:3

Kə̂ ghaa nə̂ ghəŋənə ghəə ghə nə̀ ghaa moʼlə tsu kə wû i ghaa, nkee ni maŋ dii iwû. I fəd khə na ngɔɔmə zə, koʼo ndow na ghə̂ a loʼ ghə tə a loʼ ghə̂ ghey ghə tsəghəshinə ghaa.

1 Tesalonika 5:13

Ghaa khə ni fuu ngɔɔmə ghə, ləghə soʼo ghə naʼ idzəm bòʼ fwaʼ key ghə fwaʼanə tə ghaa. Ghaa i muu nə ibuulə n wû i ghaa.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Jems 1:20

I loʼ sey n təŋkey, nəghə u fəələ u ghəŋŋənu, wù n way ni ghəŋə ghəə ghey a loʼnə tsətsəghə sə K-a-zə̀.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

Jems 5:9

Waazə ghə, kə ghaa nə̂ bəghəm nə̀ zuu zə i shiə n fəŋŋə kə ghaa, nə à way sey Zə̀ kə i saʼ ghaa. I loʼ sey n təŋkey, nəŋə i wù wey tə i saʼanə mbi zən ni bə n shɔd.

1 Pita 3:11

Tə khə ni kweyyə nuu bə ni ghəŋŋə ghəə a bəbə ghə, tə i ghəŋŋə ndow ghəə a dzuŋu ghə. Tə khə ni khə zày ni ghəŋə nə̀ ghə̂ ghə i ghəŋŋə ghəə ghə nə ibuulə n fə̀ŋ tə ghə tə tədzəm,

1 Pita 4:9

Ghaa i kpii ney ghə̂ ghey ghə bwey bəghənə n səə ghaa nə̀ ghaa sənnə way.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.