Filipi 1:26 - Kaa n Kəzə̀ n fəghə mə

²⁶ Seynə abə mə i kəm bənə n səə ghaa, ghaa i ndəŋ khə zuŋ ni fuu nkɔʼlə tə̀ Klisto bòʼ ghəə ghey tə ghəŋənə nə tə tsəghə n kow mə.

Filipi 1:26 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 16:22

A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.

Tùm i dzuŋu zə kuum Yeso Klisto tə Jɔn â tɔɔnə 16:24

Ni bə taa bə na, ghaa ka kam bəb fə kə loʼ kə n zəd zuŋ. Bəb tsu n na nya, Bày wuŋ i fu tə̀ ghaa, tə ghaa loʼ ni duʼlə naʼ idzəm.”

2 Kɔrint 1:14

n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.

2 Kɔrint 5:12

Ghey fa dza bə dzə way nə̀ ghey loʼ ghə̂ a dzuŋu ghə tə̀ ghaa, ghey fədlə fuu bə ghaa n bùʼ kə nə̀ ghaa i mbɔŋ tsɔbə fə̀ŋ tə ghaa tə bòʼ ghey, sey nə̀, ghaa i loʼ ni beeli ghə̂ ghey ghə kɔʼlənə wû zə nə ighəə nə̀ à way ghə zey i loʼnə n fə̀ŋ tə ghə.

2 Kɔrint 7:14

Abə mə â tsɔbənə fə̀ŋ bòʼ ghaa tə̀ wi, n ka tow kə dədlə kə keeli dzə. Nghee tə̀ ghəə ghey adzəm ghey â dzanə tə̀ ghaa â loʼnə isəŋə, a loʼ soʼo sey fə̀ŋ zey ghey â tsɔbənə bòʼ ghaa tə̀ Taytus â loʼnə isəŋə.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

Galeshia 6:4

Kay wù khə ni tɔʼ laalə kɔʼ bə muu i wi ni koʼ nə̀ i dzɔbə kənu ə. Abə i dzɔbə nə̀, wə loʼnu ni tsɔb fə̀ŋ zə n nəŋə i tii zə n ghəə ghey wə ghəŋənə. Wə khə dzə way ni ney ghəə ghey wə ghəŋənə, wə baalə ndow ghi ghəə zey wù loʼ ghəŋənə.

Filipi 3:1

Ni guŋ kɔʼ a waazə ghuŋ ghə, n dza bə tə ghaa nə̀ ghaa khə ni saŋŋə nghee ghaa loʼnə nə kəfə kəmɔʼ ghi Mûkəbii. À way dzə chɔd u loʼ wə tə̀ mə ni tɔ̀ɔ kuulə kə ghə i mɔʼɔ zə tə̀ ghaa, n sey ghəŋŋə ni keyyə ghaa nə ghaa i loʼ kədzuŋ n bəghəm i fə̀ŋ i ghaa.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Filipi 4:10

N ngii duʼlənu, mə n fuu soʼo zɔŋŋə kə n doʼo zuŋ ghi Mûkəbii, n təŋkey, ghaa n ndzəm dii ləghə i ghaa zə tə̀ mə. N khənu nə̀ ghaa â moʼlənu mə, ghaa n kee khə way jii ni dii bə moʼlə i tii zə.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!