Filipi 1:17 - Kaa n Kəzə̀ n fəghə mə

¹⁷ Ghə̂ a loʼ ghey naʼlə dzə way tûm bòʼ Klisto n fə̀ŋ i dzuŋu zə, n təŋkey ghə ləghə nə̀ ghə̂ ghə i dzûmə bə ghə, moʼlə kə nə ghə kuu kpiʼi chɔd wuŋ nghee n loʼnə n ndaw tsaʼ.

Filipi 1:17 ပူးပေါင်းရင်းမြစ်များ

Lukas 21:14

Sey, kə ghaa nə keelinə fəmmə zə n fə̀ŋ tə ghaa nə a i beeli ngee ghəə ghə?

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 26:1

Fɔɔ Agripa n dza ndow tə Pɔl nə̀, “Wə khənu buʼ kə nya ni ghɔɔmə.” Pɔl n daŋŋə keeli shi kɔʼ wɔɔ kə wi idəŋ, kaʼ ndow soʼo ni ghɔɔmə dza nə̀,

Kəfwaʼ 26:24

Nghee Pɔl nam dəmə ni tiilə dza nə̀ i ka ghə i bəbə i loʼ i ghəŋə dzə, Festus n nuu dza shi kɔʼ n dzə i taw zə nə̀, “Pɔl, wə zəghənu! Màʼlə kə key wə ngii zoʼlə tsu sa, kə n saʼa maʼa tow kə kə̀.”

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

Filipi 1:18

Nə̀ ghə ghəŋə kə ngee, chɔd u way! N duʼlə kə nə̀ ghə naʼlə tûm kùm Klisto. Abə à loʼ kə n moʼlə tə dzuŋu tə nkee n moʼlə tə bəbə tə, mə î nam duʼlə kənu.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 2:3

Kə̂ ghaa nə̂ ghəŋənə ghəə ghə nə̀ ghaa moʼlə tsu kə wû i ghaa, nkee ni maŋ dii iwû. I fəd khə na ngɔɔmə zə, koʼo ndow na ghə̂ a loʼ ghə tə a loʼ ghə̂ ghey ghə tsəghəshinə ghaa.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.