Efesus 5:3 - Kaa n Kəzə̀ n fəghə mə

³ Kə ghaa nə̂ ghəŋŋənə ghəə a laŋŋə ghə nsə mwam u dzəə wə. Kə ghaa nə̂ shiənə n sə̂ zə n fə̂ u ghə. Ndzoʼo ghəə ghən a khə way ni shiə n fəŋŋə kə ghaa, kə̂ ghə nə̂ buʼu zəŋŋənə nə̀ ndzoʼo ghəə ghən a shiə n fəŋŋə kə ghaa, n təŋkey, ghaa loʼ ghə̂ a Kəzə̀ a zow ghə.

Efesus 5:3 ပူးပေါင်းရင်းမြစ်များ

Matyo 15:19

N təŋkey, à loʼ n fə̀ŋ zə moʼlə tə bəbə tə shiə kɔʼɔ bənə ni ghəŋə aghəə tə̀ a loʼ, ni wey wù, ni taa zaʼ wey wə nkee num wə, ni ghəŋə ghəə a laŋŋə ghə, ni tsɔŋ, ni bad aghəə, nsə ni tsayyə wù.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 16:14

Ambə ghə̂ a tə Falasi a zow tsunə sey, ghə n tsoʼ maʼa Yeso, n təŋkey, ghə a ngii ləghə ukhəə.

Kəfwaʼ 15:20

Saa fəd tɔ̀ɔ dza ndow tə ghə nə̀ kə ghə nə zə̂ənə fə kə nə̀ ghə n fuu tə a loʼ umaʼlə tə muʼu mə, kə ghə nə ghəŋŋənə ghəə a laŋŋə ghə, kə ghə nə fəənə nyam nə ghə ka səghə, kə ghə nə zəə soʼonə kaŋ tə.

Kəfwaʼ 20:33

N ka kam shi koʼ tsə n sə̂ zə n khəə u wù nkee n ndzə̂ tə wù.

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

Roma 16:2

N dza nə̀ abə tə i bənə n səə ghaa, ghaa kpiiney wi n zəd i Mûkəbii n jii zey ghə̂ a Kəzə̀ a ghəŋŋənə tii. Ghaa fu wi n gaamə zey tə ləghənə n təŋkey, tə n gaamə ndəmə aghə̂, gaamə soʼo mə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

1 Kɔrint 10:8

Kə̂ saa nə̂ ghəŋŋənə ghəə a laŋŋə ghə tə̀ ghə̂ a ghə a loʼ ghə â ghəŋənə. Ghəə a laŋŋə ghən n ghəŋə nə̀, ghə̂ a kpu təkam wû uwû nsə kam tə tətəghə nə fətsuʼ fəmɔʼ.

1 Kɔrint 5:1

Nya, ghə̂ a ndzəmə dza kaabənu nə̀ ghaa ghəŋŋə ghəə a laŋŋə ghə n fəŋŋə kə ghaa. Ghə dzanu nə̀ ghaa ghəŋŋə ndzoʼo ghəə a laŋŋə ghey abə a buʼ loʼ kə ghə̂ ghey ghə ka bəghəm tə Zə̀ kə, ghə way ni ghəŋə dzə. Ghə dzanu nə̀ wù loʼ loʼnu n fəŋŋə kə ghaa tə nyəŋinə ghi wey bày wi.

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 6:18

Zəghə maʼa na ghəə a laŋŋə ghə. Bəb i loʼ i way dzə wù ghəŋŋənə i mɔmnə gow uwû, wù wey tə ghəŋŋə ghəə a laŋŋə ghə kee ghəŋŋə ibəb n wû u wi.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

Efesus 5:12

Kuum nə̀, à loʼ tow kə dədlə kə ni bùʼ khəə ghəə ghən ghə̂ a ghəŋŋənə nə kələm.

Efesus 5:5

Keeli tsu na nə̀ wù wey tə laŋŋənə nsə wù wey tə khənə mwam u dzəə wə, i zə̂ dzə way fɔɔ u Klisto wə nsə u Kəzə̀ wə, ghi wù wey tə shiənə n sə̂ zə n fə u ghə, n təŋkey, wù wey tə shiənə n sə̂ zə sey ney naŋa bə fə̂ u mbi tə̀ a loʼ Zə̀ kə wi.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

1 Tesalonika 4:3

Zə̀ kə ləghə nə̀ ghaa i zow n muu i ghaa, ghaa tuu maʼa tən ghəə a laŋŋə ghə.

1 Tesalonika 4:7

I loʼ sey n təŋkey, Zə̀ kə ka tɔŋŋə dzə saa tə̀ a loʼ ghə̂ a wi nə̀ saa i ghəŋə ghəə a dzəə ghə. Tə tɔŋŋə saa nə̀ saa i muu muu zey i zownə.

1 Timoti 2:10

Ghə fəd khə ni ghəŋŋə ghəə ghey a fiilənə weyzən wey tə dza nə̀ i bəghəm fuu tə Zə̀ kə.

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 6:10

I loʼ sey n təŋkey, ləghə zə ukhəə, i ney bə ghəə a bəbə ghə adzəm. Ghə̂ ghey ghə ngii shiə ndownə n sə̂ zə n ghəə ghə ukhəə n nyəŋ laʼ n bəghəm i fə̀ŋ i ghə. Fə̀ŋ tə nya fəmmə ghə bòʼ chɔd mən ghə keeli kaabənə.

2 Timoti 3:2

Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

Taytus 2:3

N jìi i mɔʼɔ zə, dii ndow nyim tə agheyzən tə nə̀ ghə i muu muu zey i khə way bwu i loʼ zə n sə K-a-zə̀. Kə ghə nə khəənə fəghəm tə, kə ghə nə doʼlə soʼonə kɔd wə nlə wə. Ghə khə ni teeli dii kə ghəə ghey a dzɔbənə.

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

1 Pita 5:2

ghaa i baʼa njì tey Zə̀ kə fuu naŋa tə̀ ghaa nə̀ ghaa i laalə. Ghaa i laalə tə ghii tə nə̀ a way dzə nə̀ ghə təmmənu ghaa, ghaa khə ni laalə tə ghii tə n fə̀ŋ tə ghaa tə tədzəm n təŋkey à wey loʼ ghəə zey Zə̀ kə ləghənə. Kə ghaa nə kad fwaʼa kə a dza ghaa ləghə nə̀ ghə i tsəə bə ghaa n khəə wə, i fwaʼa ndow n na n fə̀ŋ tə ghaa tə tədzəm.

2 Pita 2:10

Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.

Chi dii 2:21

Mə n fuu wi n nəŋə zə nə̀ tə kweyyə nuu bə fə̀ŋ ə wi n ghəə a bəbə ghən tə ghəŋŋənə, à kee loʼ nə̀ tə ndɔm ləghə way ni zəghə maʼa ghəə a laŋŋə ghən tə ghəŋŋənə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.

Chi dii 9:21

Ghə n ka kwey fə̀ŋ tə ghə ni weyyə ghə̂ ghə, ni ghəŋŋə ghəə fənnə ghə, ghəə laŋŋə ghə nsə ghəə tsɔŋɔ ghə.