Efesus 4:2 - Kaa n Kəzə̀ n fəghə mə

² Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Efesus 4:2 ပူးပေါင်းရင်းမြစ်များ

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Malakus 9:19

Yeso n dza ndòw tə̀ ghə nə̀, “Ghaa sey laʼa bəghəm i fə̀ŋ nə̀ a loʼ kee? Mə i kow fə̀ŋ ghi ghaa n ndow kuum ghee? Mə î boʼo doʼlə ghi ghaa ni ndòw kùm zeeli? Ney bə na waa tii fa.”

Kəfwaʼ 20:19

Ghaa a mgbaŋ khə nghee tə n fwaʼ kɔʼ bənə tii tə̀ Mûkəbii ə saa nə n kɔʼlə way wû wə, mə n fwaʼ soʼo n sə̂ mə nə asə̂ n nəŋə zey mə â keelinə chɔd wə bòʼ ghə̂ a Təjuu a loʼ ghə, ghə â bii kaabə tsənə mə.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

1 Kɔrint 13:7

Ləghə i ghəŋŋə wù nə̀ tə i ghə̂mə n kow waazə nəŋə tədzəm. I ghəŋŋə wù nə̀ tə i gaʼa fə̀ŋ n kow waazə nə aghəə adzəm. I ghəŋŋə wù nə̀ tə i gaʼa fə̀ŋ n kow Zə̀ kə. I ghəŋŋə nə̀ wù i kow fə̀ŋ nəŋə tədzəm.

Galeshia 6:2

I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

1 Timoti 6:11

A kee bə wɔ a Timoti, wə loʼ wù wən wə bəghəm fuunə tə Zə̀ kə, kə wə nə bəghəm naŋŋə ndzoʼo ghəə a bəbə ghən. I fədlə dzûmə ndow muu zən i loʼnə tsətsəghə, fwaʼa ndow fwaʼ key Zə̀ kə ləghənə, fə̀ŋ zə i loʼ tən kə n kow Zə̀ kə, wə i ləghə ghə̂ ghə adzəm, kow fə̀ŋ nə aghəə adzəm, wə keeli tsu soʼo zuŋ kə umwam.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.