Efesus 2:3 - Kaa n Kəzə̀ n fəghə mə

³ Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Efesus 2:3 ပူးပေါင်းရင်းမြစ်များ

Malakus 4:19

chɔd u mbi, ləghə zə ikum, nsə ləghə i fə u mbi wə n kee bə tsami maʼa kɔʼ ghɔɔmə i Kəzə̀ zey, ghɔɔmə i tii zə n way ni nyimmə n kow ghə.

Tùm i dzuŋu zə kuum Yeso Klisto tə Jɔn â tɔɔnə 1:13

Ghə ka doʼo bə dzə waa a Kəzə̀ ghə, nə̀ Zə̀ kə ji bə ghə tə wù sɔŋtsuʼ nə jiənə waa, â ləghə tsu Kəzə̀ ni fuu ghə n muu i fəghə zə nə̀ ghə doʼo waa a wi.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 14:16

Sə̂ i sə, Zə̀ kə â zəghə maʼa tsu naʼa tədzəm fa mbi, nə̀ kay wù i ghəŋŋə ndow ghəə ghey a kpiilənə tə̀ wi.

Roma 1:24

À wey loʼ ghə i tii zə Zə̀ kə zəghə maʼa ndownə ghə nə̀ ghə i ghəŋŋə ndow ghəə a bəbə ghey fə̀ŋ tə ghə tə ləghənə tə a loʼ nyaabə tə ghəə a laŋŋə ghən ghə ghəŋŋənə n wû i ghə.

Roma 11:30

Nghee tə ghaa ghən ghaa way ghə̂ a Təjuu ghə â taw tsə n tow kə tə Zə̀ kə, Zə̀ kə n nya kee kwɔɔlənə sî zə n kow ghaa ntəŋkey ghə̂ a Təjuu ghə a taw n tow kə tə wi.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 2:14

Isəŋə loʼ nə̀, ghə̂ ghən ghə way ghə̂ a Təjuu ghə, ghə khə way laŋ kə Mushi kə. Abə ghə kee ghəŋə ndownə ghəə ghey a shi kpiilənə ghi laŋ kə, i sey diinə ghə khənu laŋ kə n fə̀ŋ tə ghə abə ghə tsəm khə kə way ghəə zey laŋ kə diinə.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 5:9

Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 7:18

N khənu nə̀ ndzuŋ i loʼ i way dzə n kow mə n təŋkey n maŋa ghəŋə aghəə tə̀ vən fə uwû fuŋ ləghənə. N mgbaŋ khənu moʼlə zə ni ghəŋŋə ghəə zey i kpiilənə, mə n kee dəmə kiʼi ni ghəŋə ghə i tii zə.

Roma 9:22

N jii i mɔʼɔ zə, nghee Zə̀ kə tsəm khə kə nə daʼa kə ni dii nəghə u wi u fəə wə tə dii soʼo daʼa kə wi, tə u tsəm kɔʼnə ni kow fə̀ŋ ghi ghə̂ ghey ghə ghəŋŋənə nə̀ tə i fəələ n nəghə wə, nə̀ a loʼ aghə̂ nə̀ i mə kpi ni buʼ ləŋi maʼa ghə.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Efesus 4:22

Ghə â zoʼlə ghaa nə̀ ghaa khə ni tuu maʼa muu i ghaa i wey zey ghaa muu tsənə tii. Muu i tii i nəbə ghaa nə̀ ghaa i ghəŋŋə ghəə a bəbə ghə, tɔʼɔ weyyə ghaa n fə̀ŋ.

Kolose 1:21

Ghaa loʼ soʼo n taŋa tii, n təŋkey ghaa a buʼ way tsə ghi Zə̀ kə, ghaa n loʼ tsə ghə̂ a təngəmə a wi bòʼ ghəə a ghaa a bəbə ghən ghaa â ghəŋə tsənə ghi moʼlə tə ghaa tə bəbə tən ghaa â khə tsənə n fə̀ŋ tə ghaa.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

1 Tesalonika 5:6

Sey kə̂ saa nə̂ bweeli tə̀ a loʼ ghə̂ a loʼ ghə. Saa khə ni loʼ n sə̂ a zow ghə, saa i khə zuŋ kə umwam.

1 Timoti 6:9

Wù wən tə kee ləghənə ni kùm, à loʼ kə nyaŋi fə ighəə ni chimmə wù tii nə̀ tə ghəŋə ibəb, tə bwu soʼo nə fətsaʼ. Tsaʼ fən loʼ moʼlə tə laʼlə tən nsə moʼlə bəbə tən ghə khənə tə i ghəŋŋə nə̀ ghə nyi nə uchɔd tə ləŋi maʼa soʼo ghə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

1 Jɔn 2:16

N fə wən udzəm u loʼnə fa n mbi, tɔŋɔ u wən gow uwû ləghənə, u wən ghə̂ a koʼonə, ghə n ləghə ni keeli n muu i ghə, nsə fə wən fa n mbi ghə̂ a kɔʼlənə wû zə tii, fə kə loʼ kə way tii kə nuulə bənə n wɔ Bày, udzəm u loʼ fə u mbi.

1 Jɔn 2:8

Jìi zən Klisto a muunə tii nsə jii zən ghaa muunə tii, i ndzəmə dii bə nə laŋ kən kuum loʼ kə fəghə kə, n təŋkey, ləm kə nya tsəghə daŋŋə ndownu, daa kən kə ndzəm loʼnə daa kə u bəghənə.