Efesus 2:2 - Kaa n Kəzə̀ n fəghə mə

² Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Efesus 2:2 ပူးပေါင်းရင်းမြစ်များ

Matyo 11:19

Waa weynum n ndòw bə, zə̂ə, məə soʼo nlə, ghə̂ adzəm n dza nə̀, ‘Koʼo kə wù wən, tə mèy zə̂ənu, tə məə khəə soʼo nlə, fə̂ a wi a loʼ ghə̂ a kwɔɔ a kəmàʼlə ghə nsə ghə̂ a bəbə ghə!’ A kee loʼ kə nə̀ tɔb u Kəzə̀ u dii bə kə isəŋə n ghəə a wi a ghəŋŋə ghə.”

Matyo 13:22

Abə tə tey tə â tsɔʼlənə n fəŋŋə kə udzɔŋɔmgbay, a loʼ ghə̂ ghey ghə zow tsuu ghɔɔmə i tii zə, nghee ghə kee gaʼ fə̀ŋ tə n fə̂ u mbi, nsə nə ikum, wə n kwu zɔʼlə naŋa tsu ghɔɔmə i tii zə, zə n ka mə̂ utam.

Matyo 13:38

Sum u tii u loʼ mbi, ndzoʼ i dzuŋu zey sey loʼ ghə̂ ghey ghə loʼ n fɔɔ u Kəzə̀, zhìi wən loʼ ghə̂ ghey ghə loʼ n fɔ̀ɔ u Satan.

Malakus 4:19

chɔd u mbi, ləghə zə ikum, nsə ləghə i fə u mbi wə n kee bə tsami maʼa kɔʼ ghɔɔmə i Kəzə̀ zey, ghɔɔmə i tii zə n way ni nyimmə n kow ghə.

Lukas 16:8

Mûkəbii n fəd kaali ndòw wù kəfwaʼ wey n tɔb u tsɔŋɔ wey tə â khənə. À kùm lo isəŋə nə ghə̂ a mbi khə tɔb u tsii wə aghə̂ wə, tsəghəshi ghə̂ a Kəzə̀.

Lukas 22:31

Shimun, Shimun, zow, Satan n daʼa kə nɔɔ ni mɔɔmə koʼ ghaa adzəm, tə̀ tə tsàʼ shi bə ghə̂ a loʼ ghə, tə wù nə tsaʼanə fuŋ mə.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 13:2

Nghee Yeso sə zə̂ənə n kuubə tə ghi ngəd tə wi tə, à n loʼ nə̀ vəətsəə ghə n nyi bəəbə n fə̀ŋ ə Judas Iskariɔt, tɔŋŋə waa Shimun nə̀ tə ndow fìi fuu Yeso.

Tùm i dzuŋu zə kuum Yeso Klisto tə Jɔn â tɔɔnə 13:27

Nghee Judas zə̂ kɔʼnə baa fən, Satan n nyi ndòw n kow wi. Yeso n daŋŋə dza tə̀ wi nə̀, “Zaŋŋə ghəŋə ndow ghəə zey wə dza i ghəŋə.”

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 15:19

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 8:23

Yeso n beeli ndow ghə nə̀, “Ghaa shi fa n mbi, mə n kee nuu shi tsu bə idəŋ. Ghaa loʼ ghə̂ a mbi, n kee way dzə wù mbi zən.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 19:35

Wù wey tə â tɔɔnə màʼlə kə fu inaʼ n dəm kə sa buu naŋa tsu bɔŋ n ghə mey, dza tə ghə nə̀, “Ghə̂ a Efesus ghə! À məghə ndee nə a loʼ ghaa ghə̂ a Efesus, ghaa laalənə fəə fə Atemis fə, zə̀ kən kə taw tsəghənə zə̀ wə udzəm ə? À məghə ndee nə a loʼ soʼo ghaa, ghaa laalənə tay i kənyi zey zə â tsɔʼi tsu bə idəŋ ə?

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

1 Kɔrint 5:10

Mə â ka dza dzə ghə̂ ghey adzəm ghə ghəŋŋənə ghəə a laŋŋə ghən fa mbi, nkee ghə̂ ghən ghə shiənə n sə̂ ghə n fə u mbi, nkee ghə̂ a tsɔŋɔ ghə, nkee ghə̂ ghən ghə ngɔɔmənə muʼu mə. Abə a loʼ nə̀ mə â dza sey, i mə dii nə̀ ghaa sey khə ni zəghə maʼa mbi zən.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Efesus 1:21

Fu tii idəŋ, Klisto tsəghəshi udə̀ŋ udzəm, daʼa kə wi kə tsəghəshi udaʼa udzəm, saʼ i wi i tsəghəshi isaʼ idzəm fa mbi, zəd zey tə khənə, tsəghəshi azəd adzəm fa n mbi nsə n mbi zən i nə̂ bəghənə.

Efesus 2:11

Kə ghaa nə neyzəənə nə̀ ghaa ghən ghaa way ghə̂ a Təjuu, ghaa â loʼ tsə ghə̂ a tətùm. Ghə̂ a Təjuu ghə â tɔŋŋə tsə ghaa nə̀ ghaa loʼ ghə̂ ghən ghə ka səghə tyi u ghə. Ghə̂ ghən ghə ghaŋŋənə wû zə nə̀ ghə loʼ ghə̂ a Kəzə̀ boʼnə ghə n səghə tyi u ghə wə, loʼ sey nə̀ à maŋ loʼ kə n gow uwû, a way n fə̀ŋ.

Efesus 2:13

À kee loʼ nə nghee ghaa loʼnə nə kəfə kəmɔʼ ghi Yeso Klisto, ghaa ghən ghaa â lɔʼlə loʼnə, ghaa n kuʼlə doʼo bə nyisa n səə Kəzə̀ n bam i kaŋ tə Klisto.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Efesus 4:22

Ghə â zoʼlə ghaa nə̀ ghaa khə ni tuu maʼa muu i ghaa i wey zey ghaa muu tsənə tii. Muu i tii i nəbə ghaa nə̀ ghaa i ghəŋŋə ghəə a bəbə ghə, tɔʼɔ weyyə ghaa n fə̀ŋ.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Kolose 1:21

Ghaa loʼ soʼo n taŋa tii, n təŋkey ghaa a buʼ way tsə ghi Zə̀ kə, ghaa n loʼ tsə ghə̂ a təngəmə a wi bòʼ ghəə a ghaa a bəbə ghən ghaa â ghəŋə tsənə ghi moʼlə tə ghaa tə bəbə tən ghaa â khə tsənə n fə̀ŋ tə ghaa.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

Jems 1:7

Kə ndzoʼo wù tii nə moʼlənə nə̀ Mûkəbii i fuunu wi n fə kə loʼ kə,

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

1 Pita 4:3

Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

1 Jɔn 4:4

Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

1 Jɔn 5:4

Wù ghaa wə tə loʼnə waa Zə̀ kə, tə təmə zəənu ghə̂ a mbi ghə. Jìi zey saa təmə zəənə ghə̂ a mbi ghən tii loʼ n bam i bəghəm i fə̀ŋ i saa.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 16:17

Tsəndəghə Kəzə̀ zey nə ulii usəghəmbəghə n feeli maʼa kɔʼ ndow bɔm wi idəŋ. Dzə̀ i taw zə n shi bə n kuu kə fɔɔ key ndaw Kəzə̀ i nii zə idəŋ. Zə n dza nə̀, “Mə n mayyə ghəə ghə adzəm!”

Chi dii 20:2

Tə n kwu kɔʼ ngəm zey, zuu i wey wey zey i loʼnə Vəətsəə ghə nkee Satan, kuum naŋa ndow wi n tsaʼ nə tənum kam.