Efesus 1:3 - Kaa n Kəzə̀ n fəghə mə

³ Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

Efesus 1:3 ပူးပေါင်းရင်းမြစ်များ

Lukas 2:28

Shimiɔŋ n ney ndòw waa n kpii i wi, fu kali u Kəzə̀ dza,

Tùm i dzuŋu zə kuum Yeso Klisto tə Jɔn â tɔɔnə 14:20

A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Roma 12:5

À loʼ ighələ ghi saa ghən saa bəghəmnə tə Klisto, nghee tə saa loʼ kənə n ndəm, saa dzəŋi loʼ tə a loʼ uwû umɔʼ, saa u dzəŋi gaamə tiilənə wû i saa zə.

Roma 15:6

Abə ghaa ghəŋənə sey, ghaa i loʼ ni təmdzəŋi bə n dzə imɔʼ ni fuu ndow n kɔʼlə tə Zə̀ kə, tə loʼ Bày tə Mûkəbii saa Yeso Klisto.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 12:12

Klisto loʼ tə a loʼ uwû umɔʼ u khənə ndəmə uzuŋ. Wû u tii u nam loʼ kə uwû umɔʼ abə u tsəm khə kənə ndəmə uzuŋ.

2 Kɔrint 1:3

Saa fuu kəzɔŋŋə tə̀ Zə̀ kə tə loʼnə Bày Mûkəbii saa Yeso Klisto. Tə loʼ Bày wən tə khənə sî i kwɔɔlə zə, loʼ soʼo Zə̀ kən kə tsəmmənə fə̀ŋ tə aghə̂ tə tədzəm.

2 Kɔrint 11:31

Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 3:9

Sey ghə̂ ghən ghə bəghəm nə tə Klisto, ghə i keeli soʼo buulə zən Abraham wən tə a bəghəm tə Zə̀ kə â keelinə.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 1:20

kə key tə â diinə n kow Klisto nghee tə â zhəm dzəŋŋə bənə wi nə ivə. Ney naŋa kɔʼ wi n kpii u wi u təmə wə n fɔ̀ɔ u wi idəŋ.

Efesus 2:6

Zə̀ kə zhəm nuu dzəŋŋə bə saa nə ivə nghee saa loʼnə nə kəfə kəmɔʼ ghi Yeso Klisto, tə u ghəŋə soʼo nə̀ saa doʼo ghi wi idəŋ.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Hibru 8:5

Fwaʼ key ghə fwaʼanə tə̀ a loʼ ghə fɔɔngili maŋa fiilə ghəə ghey a loʼnə idəŋ, a baa way dzə ghəə ghey a loʼ idəŋ. À wey loʼ ghə i tii zə nghee Mushi a dza i khəm kɔʼ fəə fə tii fə, Zə̀ kə n dza tə̀ wi nə̀, “Tɔʼɔ laalə nyi tsu ni koʼ nə̀ ufə udzəm u bɔɔmə loʼ tə̀ a loʼ u wey wə â koʼnə nə ukaʼ.”

Hibru 9:23

À wey loʼ ghə i tii zə ghə â khənə ni sow fə wən u fiilənə u wən u loʼnə idəŋ ni ghəŋə nə̀ wə i zow. A kee bə fə wən u loʼnə idəŋ, ghə khə ni sow maʼa nə̀ ghə fəələ maʼlə wən u tsəghəshinə u wən ghə fəələnə n kaŋ tə tənyam.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.