Chi dii 9:1 - Kaa n Kəzə̀ n fəghə mə

¹ Tsəndəghə Kəzə̀ zey zə â loʼ nə ulii utaa n tɔŋ tsu sɔŋ i wi. Mə n koʼ tsu fəsəghəbələ fə â nuu bə n bikighow bwu tsu bə n ghəlikətsə. Ghə n fuu ndow wi n chi kə fɔŋŋə k-a-buʼ key kə kuʼu way.

Chi dii 9:1 ပူးပေါင်းရင်းမြစ်များ

Lukas 10:18

Tə n dza ndòw tə̀ ghə nə̀, “Mə koʼ Satan tə bwù tsu bənə tə̀ a loʼ ighow i mwallə zə n bikighow.

Lukas 8:31

Ghə n buʼu kuulə kəwɔɔ tə̀ Yeso nə kə̂ tə nə tûm nə ghə n fɔŋŋə kə iwad key kə kuʼu way.

Roma 10:7

Kə wə nə̂ bəbə soʼonə n fə̀ŋ zə nə̀, “À i tsuu ndow ndee n naʼ zə ivə ni zhəm nuu shi kɔʼ bə Klisto nə ivə ə?”

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 1:20

Ghəə zey i nyi doʼonə n səghəbələ mən nsəghəmbəghə wə â koʼnə n wɔɔ kuŋ kə zəə kə nsə nyəllə u kədaa wən usəghəmbəghə nə̀ ghə faalə nə itsaa dii nə̀, səghəbələ mən nsəghəmbəghə tey n tow u tsətəndəghə tən tə keyyənə dzəŋi u dzûmə tə Klisto wən usəghəmbəghə, nyəllə u kədaa wən a tey n tow u dzəŋi u dzûmə tə Klisto wən usəghəmbəghə.”

Chi dii 11:7

Abə ghə i tiilə dza may tsunə tûm ghə, faalə kə nyam mbvən zən i nuu shi kɔʼ bə n fɔŋŋə k-a-bùʼ kən kə kuʼu way, i bə zùu ballə ghi ghə. Zə i təm zə̂ kɔʼ ghə, i wey maʼa soʼo ghə.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 20:1

Mə n koʼ ndow tsəndəghə Kəzə̀ i shiə tsu bənə idəŋ, nə̀ tə khə chi kə fɔŋŋə k-a-bùʼ key kə kuʼu way, tə n kwu keeli soʼo tsaʼ i nii zə n wɔɔ.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 6:13

Səghəbələ n bikighow mə n tsɔʼlə tsuu bə a ghəlitsə tə à loʼ tam wə nkaʼ wən u tsɔʼlə tsu nə u ka kam beyyə abə zəŋ i taw i tsəghənə.

Chi dii 8:10

Tsəndəghə Kəzə̀ zey nə ulii utəghə n tɔŋ shi kɔʼ sɔŋ i wi. Səghəbələ fə nii fə bəʼlə tə a loʼ təsaalə n bwu tsu bə n bikighow. Fə n bwu tsu n bad kəmɔ̀ʼ nə tədzawwə tətəghə tə loʼnə ighələ nə tədzuu nsə n tɔŋ tə dzuu tən muu n shiənə tii.

Chi dii 8:12

Tsəndəghə Kəzə̀ zey nə ulii ukaykə n tɔŋ tsu sɔŋ wi. Fə kə loʼ kə n zaʼ ndow kəbad kəmɔʼ nə tədzawwə tətəghə tə loʼnə ighələ nə inyi, zə n nəmə doʼo tsu ighələ tə̀ ndzɔŋ nsə nsəghəbələ â nayyə maʼa tsunə daʼa kə ghə kə. Sey, luʼu tə n kəm zow way, ndzɔŋ n baŋa way n bad kəmɔ̀ʼ nə tə dzaw tətəghə n tsə tə nsə n tsuʼu tə.

Chi dii 8:2

Mə n daŋŋə koʼ ndow tsətəndəghə tə Kəzə̀ tə tii tə təsəghəmbəghə tə tey n səə Kəzə̀, ghə n fuu ndow ghə n sɔŋ tə təsəghəmbəghə.

Chi dii 9:2

Ambə tə chi kɔʼ fɔŋŋə k-a-bùʼ kə tii kə, dəm kə unyoʼ kə n shi kɔʼ tə a loʼ nyoʼ kən kə shiənə abə kaʼ u fəənə n num. Nyoʼ key kə â shiənə n fɔŋŋə k-a-buʼ kə key n ghəŋə nə̀ ləm kə bwu kəŋ naŋa kɔʼ inyi nsə bikighow kə.