Chi dii 8:8 - Kaa n Kəzə̀ n fəghə mə

⁸ Tsəndəghə Kəzə̀ zey nə ulii ubəghə n tɔŋ shi kɔʼ sɔŋ i wi, ghə n tuŋu maʼa shi tsu bə fə kə loʼ kə, kə â fiilə kaʼ u nii wə nə vəllə u bəʼlə tii n bwu nyi tsu ndow n nali kə dzuu. Bat kəmɔ̀ʼ n nali kə dzuu nə tədzawwə tətəghə tə loʼnə ighələ n fəd doʼo kɔʼ təkâŋ.

Chi dii 8:8 ပူးပေါင်းရင်းမြစ်များ

Malakus 11:23

N kùum dza bə isəŋə tə̀ ghaa nə̀, abə wù ghaa u loʼ u dza tsunə tə̀ kaʼ u wən nə̀, ‘Zəb kɔʼ wû wə wə̀, wə bwù ndòw n dzùu’, nə̀ tə səmə way, keeli tən tsu ibəghəm n fə̀ŋ ə wi, zə i teeli doʼo sey.

Chi dii 11:6

Ghə̂ ghən khə kədaʼa ni kwu naŋa bikighow nə̀ ghow i ka tsu n nəŋə zey ghə i naʼlənə tûm Kəzə̀ tii. Ghə khə soʼo kədaʼa ni fəd kɔʼ mmuu nə təkaŋ nsə ni ghəŋə nə̀ faalə kə izəŋ kə bə fa n ghəlikətsə n nəŋə zey ghə ləghənə.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 8:7

Tsəndəghə Kəzə̀ u sə isə wə n tɔŋ tsu sɔŋ i wi, ghə n feeli tsu bə ntətay nsə vəllə wə nə̀ kaŋ tə nyɔmmə doʼo tii n kaʼ ni feeli tsu bə a ghəlitsə. Bat kəmɔ̀ʼ nə ubad utəghə fa n ghəlikətsə n fə kɔʼ nə uvələ. Kəbad kəmɔ̀ʼ nə tədzawwə tətəghə tə loʼnə ighələ nə nkaʼ fa n ghəlikətsə n fə kɔʼ, ghii u zəə wə udzəm fa a ghəlitsə n fə kɔʼ soʼo.

Chi dii 9:15

Sey, ghə n zii zəghə tsu tsətəndəghə tə Kəzə̀ tey təkaykə. Ghə a ney naŋa tsətəndəghə tə Kəzə̀ tən nə̀ ghə i ləŋi maʼa kəbad kəmɔʼ nə tədzawwə tətəghə fa a ghəlitsə n nəŋə zən, tsuʼ fə fən, ndzɔŋ i zən nsə n num kə kən.

Chi dii 9:18

Ghə n weyyə maʼa tsu kəbad kəmɔʼ nə tədzawwə tətəghə tə loʼnə ighələ nə aghə̂ fa a ghəlitsə bòʼ zəŋ tən tətəghə. Zəŋ tən tətəghə tɔŋŋə uvəllə, kənyoʼ nsə Sɔlfɔ â shiə bə n dzuu zə ukhinyam wey.