Chi dii 8:3 - Kaa n Kəzə̀ n fəghə mə

³ Tsəndəghə u loʼ wə tə â khə bɔm itsàa ghə kpəʼlə nəŋ zə tii n shi bə təmi bə n səə tsə zey ghə fəələnə maʼlə wə tii nə̀ ghə faalə nə itsaa. Ghə n fuu ndow wi n nəŋ zə ndəm nə tə təmdzəŋi kɔʼ ghi gɔŋŋə tə ghə̂ a Kəzə̀ ghə adzəm, tə fəələ ndow n tsə zey ghə fəələnə maʼlə wə tii nə̀ ghə faalə itsàa i teynə səə kuu kə fɔɔ key.

Chi dii 8:3 ပူးပေါင်းရင်းမြစ်များ

Lukas 1:10

Ambə nəŋə zey tə̂ daanə nəŋ zə, nɔɔ kə aghə̂ kə n loʼ bii ghə gɔŋŋə.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Hibru 9:4

Tsə zey ghə fəələnə maʼlə wə tii nə̀ ghə faalə nə itsàa n loʼ fu nə̀ ghə i kpəʼlə nəŋ zə a tii. Tətaalə kə ulaŋ kə n loʼ soʼo fu nə̀ ghə niilə tsəghə ndow nə itsàa. Bɔm ə itsàa n loʼ n fə̀ŋ ə tətaalə kə tii kə ghi Mana a tii (Mana loʼ fəzəə wən Zə̀ kə a fuu tsu bənə tə̀ ghə̂ ghə Izree ghə nghee ghə â loʼnə n mbvən ə ntsaŋ). Mbaŋ a Erɔn n loʼ tii nə kətətaalə nə̀ fəbə tə n kaʼ ni bənnə tii. Mgbaʼa wə atay wə n loʼ soʼo tii ubəghə nə̀ Zə̀ kə n tɔ̀ɔ naŋa laŋ u wi wə tii.

Chi dii 10:1

Sey, mə n kəm koʼ ndow tsəndəghə Kəzə̀ u nii u loʼ wə tə tsuu bənə idəŋ. Ghə n baŋ naŋa wi nə təmbaʼ tə ghə nə baŋanə wù nə təndzə̂ ghi gbookəngəm kə n tow kə wi. Tum usə̂ u wi wə n nyiəllə tə a loʼ inyi. Fuu i wi zə n baŋa tə a loʼ nyəllə wən vəllə u bəʼlənə tii.

Chi dii 14:18

Tsəndəghə Kəzə̀ u loʼ wə n nam shi bə, tə wən tə laalənə vələ wey u nuu bə nə n tsə zey ghə fəələnə maʼlə wə tii. Zə n naʼa shi kɔʼ n dzə̀ i taw zə nə̀, “Ney kɔʼ kɔb fə tɔɔbə fə fey, wə kɔy zuŋŋə bə kaʼ u təlami n sûm ghəlikətsə, n təŋkey tə n baŋ ni kɔy.”

Chi dii 5:8

Ambə i ney kɔʼnə, fə wey ukaykə u loʼnə utaw nsə ngəd tey nghəm nbəghə n ghii tə təkaykə n təm bə tənguʼ n tənə waa njì zey. Kay n khə bəghəm kə fətii nsə bɔm tə itsàa tə n wɔɔ nə̀ à tii luu doʼo kə inəŋ i loʼnə gɔŋŋə tə ghə̂ a Kəzə̀ ghə.

Chi dii 6:9

Sey, Waa Nji zey n zhwey nuu kɔʼ mə̀ŋ zey nə ulii utaa. Mə n koʼ ndow n tənə tsə zey ghə fəələnə maʼlə wə tii, zay u ghə̂ ghən ghə â weynə ghə bòʼ bəghəm i fə̀ŋ i ghə təŋkey ghə a naʼlə ghɔɔmə i Kəzə̀, təmi taw tsu soʼo ni dza ghəə a Kəzə̀.

Chi dii 7:2

Mə n daŋŋə koʼ ndow tsəndəghə ə Kəzə̀ u loʼ wə tə nuu bə n bad key nyi i shiə kɔʼ bənə a tii nə̀ tə n kwu keeli tsəə zey Zə̀ kə idəŋ kə tsəələ naŋŋə ghə̂ ghə a tii. Tə n tɔŋɔ shi kɔʼ n dzə̂ i taw zə tə tsətəndəghə tey təkaykə, Zə̀ kə fuu naŋa ghə n daʼa kə ni nyimmə ghəlikətsə nsə nali kə dzuu.

Chi dii 8:4

Nyoʼ kə inəŋ key n təmdzəŋi kɔʼ ghi gɔŋŋə tə ghə̂ a Kəzə̀ a zow ghə, nuu tsu n wɔɔ kə tsəndəghə Kəzə̀ zey, kɔʼ ndow n sə K-a-zə̀.

Chi dii 8:5

Tsəndəghə zey n ney kuu nyi tsu uvələ tə ney kɔʼnə n tsə zey ghə fəələnə maʼlə wə tii, maʼa tsu ndow n ghəlikətsə. Sey, ghow zə n kaʼ ni kwɔɔ, kəmmə, mwallə, ghəlitsə kə n zey ndow soʼo ni noʼlə nə kədaʼa.

Chi dii 9:13

Tsəndəghə Kəzə̀ zey nə ulii utuubə n tɔŋ tsu sɔŋ i wi. Mə n zow ndow dzə i nuu bənə n ndɔŋ tey təkaykə tə â loʼnə n ngaŋŋə tey n tsə zey ghə fəələnə maʼlə wə tii nə̀ ghə faalə nə itsàa n sə kə Zə̀ kə.