Chi dii 8:2 - Kaa n Kəzə̀ n fəghə mə

² Mə n daŋŋə koʼ ndow tsətəndəghə tə Kəzə̀ tə tii tə təsəghəmbəghə tə tey n səə Kəzə̀, ghə n fuu ndow ghə n sɔŋ tə təsəghəmbəghə.

Chi dii 8:2 ပူးပေါင်းရင်းမြစ်များ

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Lukas 1:19

Tsəndəghə ə Kəzə̀ zey n beeli ndòw wi nə̀, “N loʼ Gabriya, wù tûm wey tə fwaʼa nə tə̀ Zə̀ kə, Zə̀ kə tûm mə nə̀ n bə naʼa bə tûm i dzuŋu zən tə̀ wɔ.

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

1 Kɔrint 15:52

Tə wù ni chi asə̂, à nə loʼ nə̀ ghəə a tii ghə n ney tsəghə bənə kə. I loʼ sey n təŋkey, n nəŋə zey sɔŋ i Kəzə̀ zə i fuŋ nyi ndownə, Zə̀ kə i zhəm nuu dzəŋŋə bə dzûmə tə Klisto tən tə kpu dzənə, ghə i keeli bə wû i fəghə zə, saa ghən a nam loʼnə utaw, Zə̀ kə i kwey nuu bə soʼo wû i saa.

1 Tesalonika 4:16

I loʼ sey n təŋkey, nəŋə zey Mûkəbii n wû u wi wə î tsu bə idəŋ, tə î naʼa tsu kəbɔŋ kə taw kə, tsəndəghə ə Kəzə̀ u nii wə i naʼa tsu soʼo kəbɔŋ, sɔŋ i Kəzə̀ zə i fuŋ tsu, sey dzûmə tə Klisto tən tə â kpu dzənə i zhəm dzəŋŋə bə isə̂ nə̀ ivə.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 15:1

Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 16:1

Mə n daŋŋə zow ndow dzə̀ i taw zə i ghɔɔmə ndownə tə̀ tsətəndəghə tə Kəzə̀ tey təsəghəmbəghə nə̀ i shiə bə n ndaw Kəzə̀ i nii zey idəŋ. Zə n dzə nə̀, “Ndow feeli maʼa shi tsu ndow bɔm tey təsəghəmbəghə, nəghə u Kəzə̀ u fəə u loʼnə tii n ghəlikətsə!”

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”

Chi dii 8:6

Tsəndəghə tə Kəzə̀ tey təsəghəmbəghə tə khənə sɔŋ tey səghəmbəghə n bayyə tsu wû i ghə ni tɔŋ sɔŋ tə tii tə.

Chi dii 9:1

Tsəndəghə Kəzə̀ zey zə â loʼ nə ulii utaa n tɔŋ tsu sɔŋ i wi. Mə n koʼ tsu fəsəghəbələ fə â nuu bə n bikighow bwu tsu bə n ghəlikətsə. Ghə n fuu ndow wi n chi kə fɔŋŋə k-a-buʼ key kə kuʼu way.