Chi dii 7:3 - Kaa n Kəzə̀ n fəghə mə

³ Tsəndəghə ə Kəzə̀ zey n buʼ shi kɔʼ kəbɔŋ dza nə̀, “Kə wə i nyimmə bəəbə ghəlikətsə, nali kə dzuu nkee nkaʼ nə ghə ka kam kuu tsəə n tûm usə̂ u ghə̂ a kəfwaʼ a Zə̀ kə ghey.”

Chi dii 7:3 ပူးပေါင်းရင်းမြစ်များ

Matyo 24:22

Abə Zə̀ kə ka gboo khəə tsuʼu n tii mə, tə wù umɔ̀ʼ i ka nɔb shi. À kee loʼ nə̀, Zə̀ kə î gboo khəə tsuʼu mən bòʼ ghə̂ a wi ghən tə sày naŋanə.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 3:33

Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Chi dii 13:16

Tə n tənnə soʼo aghə̂ adzəm, ghə̂ a nii nsə ghə̂ ghən ghə way ghə̂ nii ghə, ghə̂ a kûm ghə nsə ghə̂ a laa ghə, ukɔd nsə ghə̂ ghə way kɔd wə, nə ghə ney tsə̀ə n kpi u ghə u zəə wə nkee n kaʼ usə.

Chi dii 13:17

Wù umɔ̀ʼ n tsəm way ni zuu nkee ni fii kəfə nə tə khə way tsə̀ə nə̀ a loʼ zəd i faalə kə nyam mbvən key nkee taŋ ə zəd i wi.

Chi dii 14:1

Mə n baŋ laalə i ndow, koʼ tsu Waa Nji i tey n Kaʼ u Zayɔn. Zə n loʼ ghi ghə̂ ghə 144,000 (təkam fəbɔm nsə kam tə nghəm nkaykə nsə kam tə təkaykə). Ghə n tɔ̀ɔ naŋa zəd i Waa Nji zən nsə zəd i Bày wi zə n kaʼ n sə n ghə.

Chi dii 14:9

Tsəndəghə Kəzə̀ zey nə ulii utəghə n dzûmə bə tə sə isə tey təbəghə, n naʼlə bə n dzə̀ i taw zə nə̀, “Ghə̂ ghən ghə ngɔɔmə faalə kə nyam mbvən kən nsə muʼu fən ghə bɔm kɔʼnə nə̀ fə fiilə wi nsə ghə̂ ghən ghə neynə tsə̀ə wi n kaʼ usə u ghə nkee nə kəkpii,

Chi dii 19:2

Jìi zey tə saʼanə tii kpiinu loʼ soʼo tsətsəghə! Tə n tsəʼlə saʼ nə̀ kpala kə nii kən Kə â sii ndzəŋnə ghə̂ ghə a ghəlitsə ghi ghəə wi a laŋŋə ghə, nə̀ tə i fəʼlənu. Tə n dey fuu ngəmə tə ghə̂ a kəfwaʼ a wi ghən tə â weynə n kow wi.”

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 22:4

Ghə nə koʼo tûm usə u wi ghə nə tɔ̀ɔ naŋa tsu soʼo zəd i wi n tûm n təsə n ghə.

Chi dii 6:6

Mə n daŋŋə zow dzə̀ i fuŋunə tə a loʼ dzə̀ i nuu bənə n fəŋŋə kə fə wey ukaykə u loʼnə utaw. Zə n dza nə̀, “Kaŋa fə asəb fə i kwɔɔ wən i wù kəfwaʼ nə fətsuʼ, wɔɔ tə akuu tətəghə tə kwɔɔ soʼo wən i wù kəfwaʼ nə fətsuʼ. I kə wə nə kee bəəbə maʼanə mbvə mə nsə nlə mə.”

Chi dii 7:1

Ambə n koʼ may tsunə jim mən bòʼ mə̀ŋ tey, mə n koʼ ndow tsətəndəghə tə Kəzə̀ təkaykə tə teynə n bow tən təkaykə fa a ghəlitsə. Ghə n fìi naŋ tsu zəŋ tən təkaykə tə tsəghənə a ghəlitsə ni ghəŋə nə̀ kə zəŋ nə tsəghənə a ghəlitsə nkee n nali kədzuu nsə nə nkaʼ.

Chi dii 7:2

Mə n daŋŋə koʼ ndow tsəndəghə ə Kəzə̀ u loʼ wə tə nuu bə n bad key nyi i shiə kɔʼ bənə a tii nə̀ tə n kwu keeli tsəə zey Zə̀ kə idəŋ kə tsəələ naŋŋə ghə̂ ghə a tii. Tə n tɔŋɔ shi kɔʼ n dzə̂ i taw zə tə tsətəndəghə tey təkaykə, Zə̀ kə fuu naŋa ghə n daʼa kə ni nyimmə ghəlikətsə nsə nali kə dzuu.

Chi dii 9:4

Ghə n dza tə ghə nə̀ kə ghə nə nyîmmənə ghii wə fa a ghəlitsə nkee nkaʼ nkee fə̂ kə loʼ kə, kə nyimmənə fa a ghəlitsə. Ghə loʼ kə ni nyimmə ghə̂ ghən ghə khə way tsə̀ə Kəzə̀ n tûm usə u ghə.