Chi dii 7:16 - Kaa n Kəzə̀ n fəghə mə

¹⁶ Dzəŋ nə kəm zab koʼ way ghə, fə̀ŋ ə mmuu nə kəm zuʼlə koʼ soʼo way ghə. Tsə̂ nə kəm zuʼ koʼ way ghə, zuʼ kə num kə nə kəm fɔɔ koʼ soʼo way ghə,

Chi dii 7:16 ပူးပေါင်းရင်းမြစ်များ

Matyo 13:21

ghə n ka ngii taw tii, ghə n dzə kòw tsu kə fə̀ŋ fənyaŋi, ambə ghəə a dza i bə taw tsu kə n kow ghə, nkee ghə chɔdlɔnə ghə bòʼ ghəə zey ghə bəghəm, ghə n kəm ghaʼi tyi zəghə i tsu.

Matyo 13:6

Ambə tsə̀ shi kɔʼ bənə, zə n zuʼ maʼa kɔʼ. Nghee tə̀ zub tə â basə way fu n luʼu kə atay kə tii kə tə̀ ghaŋ tə ni nyi tsu tii, key a tii ghə zum nuu kɔʼ.

Matyo 5:6

Buulə i loʼ tə̀ ghə̂ ghey ghə dəmənə ni doʼo tsətsəghə n sə̂ K-a-zə̀, N tənkey, Zə̀ kə î ghəŋŋənu nə̀ ghə keeli fə key ghə ləghənə.

Malakus 4:17

Ghɔɔmə i tii zə n ka kee təmi taw dzə n fə̀ŋ tə ghə, n təŋkey i khə way ghaŋ tə. Ambə chɔd u bənə tii bòʼ ghɔɔmə i Kəzə̀, ghə n daŋŋə bwùlə doʼo i ndòw.

Malakus 4:6

Ambə tsə shi bənə, zə n fɔbi maʼa kɔʼ ndzoʼ tə tii tə, tə n zum kɔʼ, n təŋkey, tə â khə way ghaŋ tə.

Lukas 1:53

Tə n chi ghə̂ ghey ghə â loʼnə n dzəŋ n fə u dzuŋu wə, kee dzùm dzəŋŋə ghə̂ a kùm ghə̀ n wɔ a zum ghə̀.

Lukas 6:21

Buulə i loʼ tə̀ ghaa ghey dzəŋ zabənə ghaa nya, n təŋkey, ghaa i zəə kownu. Buulə i loʼ tə̀ ghaa ghey ghaa deynə nya, n təŋkey ghaa i tsoʼonu.

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Jems 1:11

I loʼ nə̀, abə tsə shi kɔʼ bənə, zuʼ kə tsə kə tii kə ngii taw tsunə, kə n zuʼ maʼa kɔʼ ughìi. Bəllə wə ughìi u tii wə n gɔy zum nuu kɔʼ, wə n kəmə nyiəllə soʼo way. A loʼ soʼo ighələ ghi ghə̂ ghey ghə kuum nə̀, və i ney nuulə ghə nə̀ ghə zow kaabə kə ghəə ghə ukhəə a ghə.

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”