Chi dii 6:8 - Kaa n Kəzə̀ n fəghə mə

⁸ Mə n laalə, koʼ ndow kəkhinyam kə fiilə gow shwɔlizuu. Zəd i wù wey tə â nyəŋənə khinyam kə tii kə â loʼ Ivə, Naʼ zə ivə zə n kùʼlə bəghə soʼo n baa wi. Ghə n fu ndow ghə n daʼa kə nə kəbad kəmɔ̀ʼ nə tədzawwə təkaykə fa a ghəlitsə, nə̀ ghə wey aghə̂ n kɔb, dzəŋ i faalə zə, tədzaŋa nsə nyam tə mbvən fa a ghəlitsə.

Chi dii 6:8 ပူးပေါင်းရင်းမြစ်များ

Matyo 11:23

Abə ghaa ghə̂ a Kapenum ghə, ghaa moʼlə nə̀ ghaa loʼ ni kɔʼlə wû i ghaa idəŋ ə? Ngaŋ! Zə̀ kə î maʼa tsu ndòw ghaa n luʼu key ghə̂ a fəʼlənə tii. N təŋkey, abə a mə loʼ nə̀ ghəə a faalə ghey ghə â ghəŋənə n naʼ i ghaa, nə̀ ghə â ghəŋə n naʼ i Sodom, tə̂ Sodom mə nam loʼ ni bə shi na.

Matyo 24:7

Naʼa tə i zuulə baalə ghi naʼa tə, fɔ̀ɔ tə i zuulə baalə ghi fɔ̀ɔ tə, ghəlitsə kə i noʼlə n ndəmə təluʼu, dzəŋ i faalə i nə̂ loʼ.

1 Kɔrint 15:55

A nə dza n nəŋə i tii zə nə̀, “A və zə! Daʼa kən wə khənə ni təmə zə̂ə ghə̂ ghə tii, kə ghee? A və zə! Daʼa kən wə khənə ni chɔd ə ghə̂ ghə tii, kə kəm ghee?”

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 9:15

Sey, ghə n zii zəghə tsu tsətəndəghə tə Kəzə̀ tey təkaykə. Ghə a ney naŋa tsətəndəghə tə Kəzə̀ tən nə̀ ghə i ləŋi maʼa kəbad kəmɔʼ nə tədzawwə tətəghə fa a ghəlitsə n nəŋə zən, tsuʼ fə fən, ndzɔŋ i zən nsə n num kə kən.

Chi dii 9:18

Ghə n weyyə maʼa tsu kəbad kəmɔʼ nə tədzawwə tətəghə tə loʼnə ighələ nə aghə̂ fa a ghəlitsə bòʼ zəŋ tən tətəghə. Zəŋ tən tətəghə tɔŋŋə uvəllə, kənyoʼ nsə Sɔlfɔ â shiə bə n dzuu zə ukhinyam wey.