Chi dii 6:2 - Kaa n Kəzə̀ n fəghə mə

² Mə n laalə, daŋŋə koʼ ndow khinyam kə fəmə kə. Wù wey tə nyəŋənə bənə tii n khə mwàa n wɔɔ. Ghə n fuu ndow wi n taŋŋə kə fɔɔ kə. Tə n nyəŋ shi ndow tə a loʼ wù tə təm zə̂ khəələnə tsam tə ni ndow təm zə̂.

Chi dii 6:2 ပူးပေါင်းရင်းမြစ်များ

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

1 Kɔrint 15:25

I khə ni doʼo sey n təŋkey Klisto khə ni saʼ mbi zən ni ndow kuum n nəŋə zey tə i ney naŋŋə bənə ghə̂ a təngəmə a wi ghə adzəm n tənə fuu i wi.

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 11:18

Naʼa tə â ngii fəələ unəghə, N təŋkey nəŋə zey wə khə ni dii nəghə wə u fəə wə tii n bə, Nəŋə zey wə khə ni saʼ ghə̂ a kpuu ghə n bə. Nəŋə zə n bə tə̀ wɔ ni naamə ghə̂ a kəfwaʼ ghə, ghə̂ a tətûm ghə, ghə̂ ghə a zow ghə adzəm nsə ghə̂ ghən adzəm ghə ngɔɔmənə zəd zə zə̀, Ghə̂ a səŋi ghə nsə ghə̂ ghən ghə way ghə̂ a səŋi ghə Nəŋə zə n bə tə̀ wɔ ni ləŋi maʼa ghə̂ ghən ghə ləŋi maʼanə ghəlitsə kən.”

Chi dii 14:14

Mə n laalə ndow, koʼ ndow mbaʼ tə fəmə tə n sə kuŋ nə̀ wù loʼ doʼ tii tə̀ a loʼ waa wù sɔŋtsuʼ nə̀ tə n dzəŋə keeli taŋŋə kə fɔɔ kə, nə̀ ghə faalə nə itsàa n tow kə wi nsə kɔb fə ngɔli fə n wɔɔ.

Chi dii 15:2

Mə n daŋŋə koʼ ndow soʼo fə kə loʼ kə tə a loʼ dzuu kəlungali nə vələ u bəʼlə tii. Mə n koʼ ndow soʼo ghə̂ ghən ghə təm zə̂ dzə faalə kə nyam mbvən key, muʼu fən ghə bɔmnə nə̀ fə fiilə wi nsə taŋ ə zəd i wi. Ghə n tey fu n səə dzuu kəlungali zey n bəghəm u fətii wə n wɔɔ nə̀ à fuu Kəzə̀ tə ghə.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 19:14

Sawgoʼ tə idəŋ tə n dzûmə bə wi ibam, nə ghə doʼ n khinyam u fəmə wə nə ghə lab wû zə n ndzə̂ tə niilə tə zow tə nə̀ tə fə̀mənu.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 9:7

Bii tə tii tə â loʼ tə a loʼ ukhinyam ghə bayyə naŋa ni zuu tsam. Ghə n dzəŋə keeli fə u loʼ wə tə a loʼ taŋŋə kə fɔɔ nə̀ ghə faalə tsu ni itsàa, tûm təsə n ghə mə n fiilə tûm usə u wù sɔŋtsuʼ.