Chi dii 6:1 - Kaa n Kəzə̀ n fəghə mə

¹ Nya, mə n koʼ ndow nghee Waa Nji zhwey nuu kɔʼ mə̀ŋ i sə̂ isə zə n luʼu key ghə nɔm naŋanə n mə̀ŋ tey təsəghəmbəghə. Mə n zow ndow soʼo kəfə kəmɔ̀ʼ n fə̂ wey ukaykə u loʼnə utaw kə dza shiə kɔʼɔ n dzə̀ i loʼ zə i kəmənə tə a loʼ ighow nə̀, “Bəghə!”

Chi dii 6:1 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Kəfwaʼ 4:20

Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”

Chi dii 11:19

Ndaw Kəzə̀ i nii zə idəŋ n daŋŋə chi kɔʼ. Mə n koʼo nyiə ndow tətaalə kə nkaa n wi fu tii. Ghow zə n mwaalə, kwɔɔ, kəmmə, ghəlikətsə kə n noʼlə nə kədaʼa, tətay mə n ngii tsɔʼlə soʼo.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:2

Mə n zow ndow dzə̀ i fuŋunə idəŋ tə a loʼ ibwabwa i taanə, fuŋu soʼo tə a loʼ ighow i kəmənə. Bɔŋ mey mə â zow, mə n loʼ tə a loʼ bəghəm kə fətii ghə buʼunə.

Chi dii 19:6

Mə n daŋŋə zow ndow nbɔŋ tə a loʼ nɔɔ kə aghə̂ kə nii kə, kə kwɔɔ bənə tə a loʼ dzuu i taanə, tə a loʼ soʼo ighow i kəmənə. Mə n zow ghə dzanə nə̀, “Kali u Kəzə̀! Kali u loʼ tə̀ Zə̀ kə n təŋkey, Mûkəbii tə loʼnə Zə̀ kə, tə khənə daʼa wə udzəm loʼ kədə̀ŋ.

Chi dii 4:8

Kay n fə̂ wən ukaykə n khə təghaw tətuubə nə̀ sə̂ ghə n tsəd dzəŋ tsəghə bə a bii nsə n tənə təghaw. N tsə̂ tə nsə n tsuʼu tə, ghə n buu doʼo way ni zhim nə̀, “Izow, izow, izow i loʼ Mûkəbii Zə̀ kən kə khənə daʼa wə udzəm tə wən tə â loʼ nə nzeyyə, tə loʼ nyisa, tə wən tə i kəm bəghənə.”

Chi dii 5:1

Sey mə n koʼ ndow kəmàʼlə nə̀ ghə n nəm n wɔɔ kə zəə kə wù wən tə doʼnə n kuu kə fɔɔ key. Màʼlə kə tii kə n loʼ nə̀ ghə n tɔ̀ɔ tii nə badla tədzəm, zɔʼ tsu mə̀ŋ tii nə təluʼu təsəghəmbəghə.

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”

Chi dii 5:8

Ambə i ney kɔʼnə, fə wey ukaykə u loʼnə utaw nsə ngəd tey nghəm nbəghə n ghii tə təkaykə n təm bə tənguʼ n tənə waa njì zey. Kay n khə bəghəm kə fətii nsə bɔm tə itsàa tə n wɔɔ nə̀ à tii luu doʼo kə inəŋ i loʼnə gɔŋŋə tə ghə̂ a Kəzə̀ ghə.

Chi dii 6:3

Ambə Waa Nji zey zhwey nuu kɔʼ mə̀ŋ zey nə ulii ubəghə, mə n zow ndow fə key kə loʼnə utaw nə ulii ubəghə, dza tsu nə̀, “Bəghə!”

Chi dii 6:5

Ambə Waa Nji zey zhwey nuu kɔʼ mə̀ŋ zey nə ulii utəghə, mə n zow ndow fə key kə loʼnə utaw nə ulii utəghə kə dza tsu nə̀, “Bəghə!” Mə n laalə, koʼ ndow khinyam kə ləŋə kə. Wù wey tə â nyəŋənə khinyam kə tii kə n khə təfoʼ təbəghə n wɔ̀ kə wi.

Chi dii 6:7

Ambə Waa Nji zey zhwey nuu kɔʼ mə̀ŋ zey nə ulii ukaykə, mə n zow ndow fə key kə loʼnə utaw nə ulii ukaykə kə dza tsunə nə̀, “Bəghə!”

Chi dii 8:1

Nghee tə Waa Nji zey zhwey nuu kɔʼ mə̀ŋ zey nə ulii usəghəmbəghə, luʼu tə n fuŋ doʼo tsu mɔŋ idəŋ n kəm kə nəŋə zə izow imɔʼ.