Chi dii 5:9 - Kaa n Kəzə̀ n fəghə mə

⁹ Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 5:9 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

1 Kɔrint 7:23

Keeli tsu na nə̀ Zə̀ kə â zuu nuu shi bə tow u ghaa n wən i taw zə, sey, kə wù ghaa u loʼ u nə̂ kəm bəghəm ni doʼo kəkɔd tə̀ wù sɔŋtsuʼ.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 5:19

Ghaa khə ni ghɔɔmə tiilə n wû i ghaa nə təndzaŋa, zhim ndzaŋa tən tə fuunə kɔʼləmə tə̀ Zə̀ kə, nsə ndzaŋa tey Zay kə Zow kə fuunə tə̀ ghaa. Ghaa khə ni zhim dzaŋa tən tə fuunə kɔʼlə mə tə̀ Mûkəbii n fə̀ŋ tə ghaa tə tədzəm,

Kolose 1:14

Tə u kùmshinə saa, neyzəə soʼo bəb i saa n bam i Waa wi.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 11:14

Ghə̂ ghən ghə dza ndzoʼo ghəə ghən dii bənu n mgbaŋ nə̀ à loʼ ghə̂ ghey ghə kəŋənə naʼ zey i loʼnə nə̀ à loʼ i ghə zə.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

Chi dii 10:11

Sey, ghə n dza kpiʼi bə tə mə nə̀, “Wə khə ni teeli naʼa tûm Kəzə̀ tə ndəmə aghə̂, tə̀ naʼa tə, ghɔɔmə tə tətûm nsə tə də̀ŋ wə.”

Chi dii 11:9

Nə ntsuʼ ntəghə nsə bòʼ kə, aghə̂ a nə tənaʼa tədzəm, sali ndaw tədzəm, naʼa tətûm, ghə̂ a ghɔɔmə tədzəm i nyəŋ laalə vən a ghə, ghə tûmmə naŋa daŋŋə ghə nə̀ ghə tsəllə way.

Chi dii 13:7

Ghə n fuu ndow faalə kə nyam mbvən key n daʼa kə nə̀ tə zùu ballə ghə̂ a Kəzə̀, tə təm zə kɔʼ ghə̂ a Kəzə̀. Ghə fuu soʼo wi n daʼa kə ni saʼa sali ndaw tə tədzəm, aghə̂ adzəm, ghɔɔmə tə tətûm nsə naʼa tə tədzəm.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 17:15

Tsəndəghə Kəzə̀ zey n dzaa bə soʼo tə mə nə̀, “Dzùu tey wə â koʼnə kpala key nyaʼa doʼonə tii, loʼ aghə̂, nɔɔ wə aghə̂, tənaʼa nsə ndəmə ghɔɔmə tə tətûm.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.