Chi dii 5:6 - Kaa n Kəzə̀ n fəghə mə

⁶ Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.

Chi dii 5:6 ပူးပေါင်းရင်းမြစ်များ

Lukas 1:69

Tə n fu saa n bəghəshi u nii wə. Wù nə tə shi n salli ndaw i wù kəfwaʼ a wi tɔŋɔ Devid,

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 1:36

Ambə tə koʼ tsunə Yeso tə tsəghənə, tə n dza tə̀ ghə nə̀, “Koʼo na! À wən loʼ Njì ə Kəzə̀.”

Kəfwaʼ 8:32

Dəŋŋə key tə â tɔŋɔnə n màʼlə K-a-zə̀ n nəŋə i tii zə â loʼ nə̀, “Ghə a sii ndow wi tə aloʼ njì ghə dza i ndow wey, Tə n loʼ kə mɔŋ tə waa njì nə loʼnə n səə wù wey tə kɔmnə nyuŋ tə wi tə, Tə n ka tsəm jaʼ idzuu.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:1

Mə n baŋ laalə i ndow, koʼ tsu Waa Nji i tey n Kaʼ u Zayɔn. Zə n loʼ ghi ghə̂ ghə 144,000 (təkam fəbɔm nsə kam tə nghəm nkaykə nsə kam tə təkaykə). Ghə n tɔ̀ɔ naŋa zəd i Waa Nji zən nsə zəd i Bày wi zə n kaʼ n sə n ghə.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 21:22

N ka kee koʼ dzə fəə fə n naʼ i tii zə, n təŋkey, fəə fə wi fə i loʼ Mûkəbii, Zə̀ kən kə khənə daʼa wə udzəm nsə Waa Nji zey.

Chi dii 21:23

Inyi nsə ndzɔŋ khə way fwaʼ kə loʼ kə fu inaʼ, n təŋkey, daa kən kə baŋa shiə bənə n kow Zə̀ kə baŋa fu inaʼ, Waa Nji zey u loʼ soʼonə daa kə naʼ i tii zə.

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:3

Fə kə loʼ kə nə doʼo koʼ way fu inaʼ nə̀ Zə̀ kə n ləŋ naŋa. Kuu kə fɔɔ K-a-zə̀ nsə kə Waa Nji kə i loʼ fu n naʼ i tii. A loʼ fu ghə̂ a kəfwaʼ a wi ghə i ngɔɔmənə wi.

Chi dii 4:8

Kay n fə̂ wən ukaykə n khə təghaw tətuubə nə̀ sə̂ ghə n tsəd dzəŋ tsəghə bə a bii nsə n tənə təghaw. N tsə̂ tə nsə n tsuʼu tə, ghə n buu doʼo way ni zhim nə̀, “Izow, izow, izow i loʼ Mûkəbii Zə̀ kən kə khənə daʼa wə udzəm tə wən tə â loʼ nə nzeyyə, tə loʼ nyisa, tə wən tə i kəm bəghənə.”

Chi dii 5:11

Mə n laalə kpiʼi ndow, zow ndow, dzə̂ tə tsətəndəghə tə Kəzə̀, kam tə təkam nsə bɔm tə təndangaŋ, nə wù way ni taŋ, n taʼ dzəŋ tsəghə bə kuu kə fɔɔ key, fə wey ukaykə u loʼnə utaw nsə ngəd tey.

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”

Chi dii 5:13

Mə n zow ndow fə̂ wən udzəm Zə̀ kə â bɔm idəŋ, n ghəlikətsə, n tənə ghəlikətsə nsə n nali kə dzuu u zhimnə nə̀, “Tə wù wən tə doʼnə n kuu kə fɔɔ nsə tə waa njì, ibuulə, ingɔɔmə, ukali nsə daʼa kə loʼ u ghə wə, tə̀ mbi nə bə may.”

Chi dii 5:14

Fə wey ukaykə u loʼnə utaw n dza tsu nə̀, “Zə i loʼ sey.” Ngəd tey n təm ndow tənguʼ aghəd, fuu ndow ingɔɔmə tə̀ wù wey tə â doʼnə n kuu kə fɔɔ key nsə Waa Nji zey.

Chi dii 6:16

Ghə n dza ndow tə̀ kaʼa tə nsə naa u tii wə nə̀, “Bwu tsu bə n kow ghey, wə nyi naŋa tsu ghey, kə wù wey tə doʼnə n kuu kə fɔɔ nə koʼonə ghey, nsə nə̀ kə nəghə u fəə u Waa Nji wey i bwu n kow ghey,