Chi dii 5:11 - Kaa n Kəzə̀ n fəghə mə

¹¹ Mə n laalə kpiʼi ndow, zow ndow, dzə̂ tə tsətəndəghə tə Kəzə̀, kam tə təkam nsə bɔm tə təndangaŋ, nə wù way ni taŋ, n taʼ dzəŋ tsəghə bə kuu kə fɔɔ key, fə wey ukaykə u loʼnə utaw nsə ngəd tey.

Chi dii 5:11 ပူးပေါင်းရင်းမြစ်များ

Hibru 12:22

Luʼu key ghaa kee bənə tii nya loʼ n Kaʼ u Zayɔn, naʼ i Zə̀ kən kə loʼnə utaw n Yerosalem zey i loʼnə idəŋ. Ghaa n bə n luʼu key ndəmə kam tə tsətəndəghə tə Kəzə̀ tə muunə fu nə̀ wù way ni taŋ may.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 19:6

Mə n daŋŋə zow ndow nbɔŋ tə a loʼ nɔɔ kə aghə̂ kə nii kə, kə kwɔɔ bənə tə a loʼ dzuu i taanə, tə a loʼ soʼo ighow i kəmənə. Mə n zow ghə dzanə nə̀, “Kali u Kəzə̀! Kali u loʼ tə̀ Zə̀ kə n təŋkey, Mûkəbii tə loʼnə Zə̀ kə, tə khənə daʼa wə udzəm loʼ kədə̀ŋ.

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.

Chi dii 4:6

Fə kə loʼ kə n loʼ n sə kə kuu kə fɔɔ key tə a loʼ dzuu kəlungali nə̀ u zow tsaʼi tsaʼi tə a loʼ tay i wən i taw zə ghə tɔŋŋə nə̀ à loʼ krista. Fə u loʼ wə n taʼ dzəŋ tsəghə bə kuu kə fɔɔ kə tii kə ukaykə nə̀ u loʼ utaw. Wə n loʼ n sə̂ ghə n ndəm isə nsə ibam.

Chi dii 5:14

Fə wey ukaykə u loʼnə utaw n dza tsu nə̀, “Zə i loʼ sey.” Ngəd tey n təm ndow tənguʼ aghəd, fuu ndow ingɔɔmə tə̀ wù wey tə â doʼnə n kuu kə fɔɔ key nsə Waa Nji zey.

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.

Chi dii 5:8

Ambə i ney kɔʼnə, fə wey ukaykə u loʼnə utaw nsə ngəd tey nghəm nbəghə n ghii tə təkaykə n təm bə tənguʼ n tənə waa njì zey. Kay n khə bəghəm kə fətii nsə bɔm tə itsàa tə n wɔɔ nə̀ à tii luu doʼo kə inəŋ i loʼnə gɔŋŋə tə ghə̂ a Kəzə̀ ghə.

Chi dii 7:11

Tsətəndəghə tə Kəzə̀ tey tədzəm n təmi dzəŋ tsəghə bə kuu kə fɔɔ key, ngəd tey nsə fə wey ukaykə u loʼnə utaw. Ghə n daŋŋə bwu fəə ndow tûm n təsə̂ a ghəlitsə, fuu ndow nkɔʼlə Zə̀ kə.

Chi dii 9:16

Ghə n dza bə taŋ ə sawgoʼ tən tə nyəŋənə khinyam wən tə mə. Taŋ ə tii loʼ bɔm tə ndangaŋ nbɔm nbəghə (200,000,000).