Chi dii 4:8 - Kaa n Kəzə̀ n fəghə mə

⁸ Kay n fə̂ wən ukaykə n khə təghaw tətuubə nə̀ sə̂ ghə n tsəd dzəŋ tsəghə bə a bii nsə n tənə təghaw. N tsə̂ tə nsə n tsuʼu tə, ghə n buu doʼo way ni zhim nə̀, “Izow, izow, izow i loʼ Mûkəbii Zə̀ kən kə khənə daʼa wə udzəm tə wən tə â loʼ nə nzeyyə, tə loʼ nyisa, tə wən tə i kəm bəghənə.”

Chi dii 4:8 ပူးပေါင်းရင်းမြစ်များ

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Hibru 13:8

Yeso Klisto loʼ wù wey tə loʼnə ighələ azɔy, na, nsə nə tənəŋə tədzəm.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 1:8

Mûkəbii tə loʼnə Zə̀ kə, dza nə̀, “N loʼ ney kəsə̂ nsə fii kəbam. Mə â loʼ nə̀ nzeyyə, mə n loʼ nə nyisa, à loʼ soʼo mə, n khənə ni kəm bə. À khə mə daʼa wə udzəm.”

Chi dii 11:17

Ghə n dza nə̀, “Mûkəbii, Zə̀ kən kə khənə daʼa wə udzəm, tə wən tə â loʼnə nə nzeyyə, loʼ nya! Ghey fuu zɔŋŋə kə nghee wə ney daʼa kə kə̀ nii kə, Zey ndow ni saʼ aghə̂.

Chi dii 14:11

Nyoʼ kə uvələ key kə chɔdlɔnə ghə nə may koʼ way tə mbi nə bə may. Ghə̂ ghey adzəm ghə ngɔɔmənə faalə kə nyam mbvən zən nsə muʼu fey fə fiilənə wi, nsə ghə̂ ghey adzəm ghə khənə tsəə zəd i wi, nə doʼo koʼ way nə ghə fəʼlə way n tsə tə nsə n tsuʼu.”

Chi dii 14:3

Ghə̂ ghən təkam fəbɔm nsə kam tə nghəm nkaykə nsə kam tə təkaykə n zhim ndzaŋ i fəghə zə n sə kə kuu kə fɔɔ nsə n sə kə fə wey ukaykə u loʼnə utaw nsə ngəd tey. Wù n way ni zoʼlə ndzaŋ zey ghə zhimnə, à may kə ghə̂ ghən təkam fəbɔm nsə kam tə nghəm nkaykə nsə kam tə təkaykə ghə â bəghəshi ghə fa a ghəlitsə.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 15:7

Kəfə kəmɔʼ n fə wey ukaykə u loʼnə utaw n fuu ndow ndzəŋ tə itsàa təsəghəmbəghə tə tsətəndəghə tə Kəzə̀ tey təsəghəmbəghə. N ndzəŋ tə itsàa tə tii tə, â luu doʼo tən kə nəghə u fəə u Zə̀ kən kə muunə nəŋə tədzəm.

Chi dii 16:14

Ghə loʼ zay wə avəətsəə wən ghə ghəŋŋənə ghəə a fənnə ghə. Zay wən utəghə shiə ndow ni ndow koʼ udəŋ udzəm n mbi, ni zuŋŋə naŋa bə ghə nə̀ ghə i zuu ballə Zə̀ kən kə khənə daʼa wə udzəm n tsuʼ fey mbi i maynə tii.

Chi dii 16:7

Mə n zow nghee tsə zey ghə fəələnə maʼlə wə tii beeli kɔʼnə nə̀, “Mûkəbii Zə̀ kə, wə khə udaʼa udzəm, Wə saʼa ghəə ghə n jìi zey i kpiilənə, dza soʼo isəŋə nəŋə tədzəm.”

Chi dii 19:15

Kɔb i tɔbə zə n shi bə n dzuu i wi. A loʼ n kɔb ə tii, tə i təmə zəənə naʼa tə. Tə i saʼa ghə n wɔɔ a taw ghə, tə i dəʼlə soʼo ghə n nəghə u fəə u Zə̀ kən kə khənə daʼa wə udzəm tə ghə nə dəʼlənə lami tə n nyùʼ key ghə kammənə nlə n təlami mə tii.

Chi dii 19:4

Ngəd tey nghəm nbəghə nsə ghii tə təkaykə nsə fə̂ wey ukaykə u loʼnə utaw n bwu ndow a ghəlitsə, fuu ndow ingɔɔmə tə̀ Zə̀ kə, tə doʼnə n kuu kə fɔɔ, dza tsu nə̀, “Zə i loʼ kə sey! Kali u loʼ u Kəzə̀ wə!”

Chi dii 21:22

N ka kee koʼ dzə fəə fə n naʼ i tii zə, n təŋkey, fəə fə wi fə i loʼ Mûkəbii, Zə̀ kən kə khənə daʼa wə udzəm nsə Waa Nji zey.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.

Chi dii 4:6

Fə kə loʼ kə n loʼ n sə kə kuu kə fɔɔ key tə a loʼ dzuu kəlungali nə̀ u zow tsaʼi tsaʼi tə a loʼ tay i wən i taw zə ghə tɔŋŋə nə̀ à loʼ krista. Fə u loʼ wə n taʼ dzəŋ tsəghə bə kuu kə fɔɔ kə tii kə ukaykə nə̀ u loʼ utaw. Wə n loʼ n sə̂ ghə n ndəm isə nsə ibam.

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.

Chi dii 6:1

Nya, mə n koʼ ndow nghee Waa Nji zhwey nuu kɔʼ mə̀ŋ i sə̂ isə zə n luʼu key ghə nɔm naŋanə n mə̀ŋ tey təsəghəmbəghə. Mə n zow ndow soʼo kəfə kəmɔ̀ʼ n fə̂ wey ukaykə u loʼnə utaw kə dza shiə kɔʼɔ n dzə̀ i loʼ zə i kəmənə tə a loʼ ighow nə̀, “Bəghə!”

Chi dii 6:6

Mə n daŋŋə zow dzə̀ i fuŋunə tə a loʼ dzə̀ i nuu bənə n fəŋŋə kə fə wey ukaykə u loʼnə utaw. Zə n dza nə̀, “Kaŋa fə asəb fə i kwɔɔ wən i wù kəfwaʼ nə fətsuʼ, wɔɔ tə akuu tətəghə tə kwɔɔ soʼo wən i wù kəfwaʼ nə fətsuʼ. I kə wə nə kee bəəbə maʼanə mbvə mə nsə nlə mə.”

Chi dii 7:11

Tsətəndəghə tə Kəzə̀ tey tədzəm n təmi dzəŋ tsəghə bə kuu kə fɔɔ key, ngəd tey nsə fə wey ukaykə u loʼnə utaw. Ghə n daŋŋə bwu fəə ndow tûm n təsə̂ a ghəlitsə, fuu ndow nkɔʼlə Zə̀ kə.

Chi dii 7:15

Sey, ghə loʼ n sə̂ kə kuu kə fɔɔ u Kəzə̀, fwaʼa tə Zə̀ kə n tsə tə nsə n tsuʼu n fəə kə wi. Wù wey tə doʼnə n kuu kə fɔɔ key, tə i laalə tə ghə nghee tə doʼ dzə ghi ghə.